അൻപത്തിനാല് വയസ്സുള്ള അധ്യാപകൻ വിവാഹം കഴിച്ചത് ഇരുപത് കാരിയായ വിദ്യാർത്ഥിയെ... ഇടയ്ക്ക് ആഭരണങ്ങളും പണവും വാങ്ങി നല്കി വശത്താക്കി! ഒടുക്കം അധ്യാപകന് വിദ്യാഭ്യാസ അധികൃതരുടെ മുട്ടൻ പണി
ന്യൂസിലന്ഡിലെ നോര്ത്ത് ഐലന്ഡിൽ തന്നെക്കാൾ 34 വയസ് ഇളപ്പമുളള വിദ്യാര്ത്ഥിനിയെ അധ്യാപകന് ഭാര്യയാക്കിയിരിക്കുകയാണ്. അധ്യാപകന് 54 വയസ്സും വിദ്യാര്ത്ഥിനിയായ ഭാര്യയ്ക്കിപ്പോൾ 20 വയസ്സുമാണ്. ഉടൻ തന്നെ അധ്യാപകനെതിരെ നിയമനടപടി സ്വീകരിക്കാനുള്ള തയ്യാറെടുപ്പിലാണ് വിദ്യാഭ്യാസ വകുപ്പ് അധികൃതര്. പെണ്കുട്ടിയെ വിവാഹം കഴിക്കുക എന്ന ലക്ഷ്യത്തോടെ അദ്ധ്യാപകന് പഠിപ്പിക്കുകയും വളര്ത്തി വലുതാക്കുകയുമായിരുന്നു എന്നാണ് റിപ്പോർട്ടുകൾ.
അധ്യാപകന് 45 വയസുളളപ്പോഴായിരുന്നു പെണ്കുട്ടി പഠിക്കുന്ന സ്കൂളില് എത്തുന്നത്. ആ സമയത്ത് പെൺകുട്ടിയുടെ പതിനൊന്ന് വയസ്സുമാത്രമായിരുന്നു. എന്നാൽ, അന്നുമുതല് കുട്ടിയെ നോട്ടമിട്ട അധ്യാപകന് അവളെ പ്രത്യേകം ശ്രദ്ധിക്കാന് തുടങ്ങിയിരുന്നു. ഇംഗ്ളീഷായിരുന്നു അദ്ദേഹത്തിന്റെ വിഷയം. തുടർന്ന് ഇദ്ദേഹം പെൺകുട്ടി പഠനത്തിൽ പിന്നോക്കം നിൽക്കുന്നതിനാൽ സ്പെഷ്യല് ട്യൂഷനും നല്കാന് തുടങ്ങി. ഇതോടെയാണ് ഇരുവരും തമ്മില് കൂടുതല് അടുക്കാൻ തുടങ്ങിയത്. ഇടയ്ക്ക് കുട്ടിക്ക് അധ്യാപകന് ആഭരണങ്ങളും പണവും മധുരപലഹാരങ്ങളുമൊക്കെ നല്കാനും തുടങ്ങി. എന്നാൽ, പെണ്കുട്ടിയുടെ വീട്ടുകാരോ ബന്ധുക്കളോ ഇക്കാര്യം അറിഞ്ഞിരുന്നില്ല.
ഇവർ ഒരുമിച്ച് നടക്കുന്നതും കൈകോർത്ത് പിടിച്ച് സംസാരിക്കുന്നതും ബന്ധുക്കളുടെ ഇടയിൽ ചിലരൊക്കെ ശ്രദ്ധിച്ചിരുന്നെങ്കിലും ഗുരുശിഷ്യ ബന്ധം എന്നതിപ്പുറം അവര് ഒന്നും കരുതിയില്ല. എന്നാൽ , ഇതിനിടയിൽ പെൺകുട്ടി അധ്യാപകനൊപ്പം മറ്റൊരു രാജ്യത്തേക്ക് പോകുന്നുവെന്ന് രക്ഷിതാക്കളെ അറിയിച്ചിരുന്നു. അപ്പോഴും ഇവര് തമ്മിലുളള ബന്ധം ആരും കാര്യമായി എടുത്തിരുന്നില്ല. പെണ്കുട്ടി കോളേജില് പോകാന് തുടങ്ങിയപ്പോഴാണ് വീട്ടുകാര് വിവാഹത്തെക്കുറിച്ച് അറിയുന്നത്. എന്നാൽ, അപ്പോഴേക്കും കാര്യങ്ങളൊക്കെ കൈവിട്ടുപോയിരുന്നു. വിവാഹത്തെ ജീവിതത്തിലെ ഏറ്റവും സുന്ദരമായ മുഹൂര്ത്തം എന്നാണ് പെണ്കുട്ടി വിശേഷിപ്പിച്ചിരിക്കുന്നത്. ലോകം മുഴുവന് ഇപ്പോള് എനിക്കൊപ്പമാണ് എന്ന രീതിയിലായിരുന്നു അധ്യാപകന്റെ പ്രതികരണം. പ്രായപൂര്ത്തിയാകും മുമ്പ് വിദ്യാര്ത്ഥനിയുമായി ശാരീരിക ബന്ധത്തില് ഏര്പ്പെട്ടതിന് വ്യക്തമായ തെളിവുകിട്ടിയാലേ അധ്യാപകനെതിരെ നടപടി സ്വീകരിക്കാനാവൂ എന്നാണ് ഉദ്യോഗസ്ഥർ പറയുന്നത്.
https://www.facebook.com/Malayalivartha