ഒരു സിനിമാ നടിയെ വിവാഹം കഴിക്കുന്നതിനെക്കുറിച്ച് സങ്കൽപ്പിക്കാൻ പോലും കഴിയില്ല; രേഖയുടെയും ഇമ്രാന് ഖാന്റെയും പ്രണയത്തില് സംഭവിച്ചതെന്ത്?
ബോളിവുഡിലെ പ്രശസ്ത താരമാണ് രേഖ. അമിതാഭ് ബച്ചന് ഉള്പ്പെടെയുള്ളവരുമായി രേഖയുടെ പേര് ഗോസിപ്പുകളില് നിറഞ്ഞു നിന്നിട്ടുണ്ട്. എന്നാല് ഇപ്പോള് രേഖയുടെ ഒരു പ്രണയ ബന്ധത്തെ കുറിച്ചാണ് സാമൂഹ്യ മാധ്യമങ്ങളിൽ ചര്ച്ച.
പാകിസ്താന് ക്രിക്കറ്റര് ഇമ്രാന് ഖാനെയാണ് രേഖ പ്രണയിച്ചിരുന്നത്. വിവാഹത്തിന്റെ വക്കോളമെത്തിയ അവരുടെ ബന്ധത്തെ കുറിച്ചുള്ള ചര്ച്ചകളാണ് ഇപ്പോള് സാമൂഹ്യ മാധ്യമങ്ങളിൽ പുരോഗമിക്കുന്നത്.
ലോക ചരിത്രത്തിലെ എക്കാലത്തെയും മികച്ച ക്രിക്കറ്റ് കളിക്കാരില് ഒരാളായി കരുതപ്പെടുന്ന വ്യക്തിയാണ് ഇമ്രാന് ഖാന്. നിരവധി സ്ത്രീകളുമായി ഇമ്രാന് ഖാന്റെ പേര് ചേര്ത്ത് വെയ്ക്കപ്പെട്ടിട്ടുണ്ട്. രേഖയുമായുള്ള ഇമ്രാന് ഖാന്റെ ബന്ധം പലപ്പോഴും വാര്ത്തകളില് നിറഞ്ഞിട്ടുണ്ട്.
രേഖയെ ഇമ്രാന് ഖാന് വിവാഹം കഴിക്കാന് പദ്ധതിയിട്ടിരുന്നതായും അക്കാലത്ത് മാധ്യമങ്ങളിൽ വാര്ത്ത വന്നിരുന്നു. ഇവര് തമ്മിലുള്ള ബന്ധത്തിന് രേഖയുടെ അമ്മയും സമ്മതം മൂളിയിരുന്നുവെന്നാണ് മാധ്യമങ്ങള് റിപ്പോര്ട്ട് ചെയ്തിരുന്നത്.
രേഖയോടൊപ്പം സമയം ചെലവഴിക്കാന് ഇമ്രാന് ഖാന് ഇന്ത്യയിലേക്ക് വന്നിരുന്നുവെന്നും മുംബൈയില് ഇരുവരും ഒന്നിച്ചുണ്ടായിരുന്നുവെന്നും വാര്ത്തകള് വന്നിരുന്നു. ബീച്ചിലും നൈറ്റ് ക്ലബുകളിലും ഇരുവരെയും ഒന്നിച്ച് കണ്ടിരുന്നുവെന്നും റിപ്പോര്ട്ടുകളുണ്ടായിരുന്നു.
ഇരവരും തമ്മില് വലിയ അടുപ്പത്തിലായിരുന്നുവെന്നും അഗാധമായി പ്രണയിച്ചിരുന്നുവെന്നുമാണ് അടുപ്പമുള്ളവര് പറഞ്ഞിരുന്നത്. എന്നാല് പിന്നീട് ഇവര് വേര്പിരിയുകയായിരുന്നു.
ഒരു ചെറിയ കാലയളവില് നടിമാരുമായുള്ള അടുപ്പം നല്ലതാണെന്നും കുറച്ചു കാലം അവരുമായുള്ള അടുപ്പം ആസ്വദിക്കുകയും അതിന് ശേഷം മുന്നോട്ട് പോവുകയും ചെയ്യുന്നുവെന്നായിരുന്നു ബന്ധം അവസാനിപ്പിച്ചതിന് ശേഷം ഇമ്രാന് ഖാന്റെ പ്രതികരണം. ഒരു സിനിമാ നടിയെ വിവാഹം കഴിക്കുന്നതിനെക്കുറിച്ച് സങ്കല്പ്പിക്കാന് പോലും കഴിയില്ലെന്നും ഇമ്രാന് ഖാന് പറഞ്ഞിരുന്നു.
https://www.facebook.com/Malayalivartha