കുടുംബവിളക്ക് പരമ്പരയിലൂടെ പ്രേക്ഷകരുടെ പ്രിയപ്പെട്ട താരമായ വ്യക്തിയാണ് ആനന്ദ് നാരായണ്‍. സീരിയലിൽ സുമിത്രയുടെ മൂത്തമകനായ അനിരുദ്ധനെയാണ് താരം അവതരിപ്പിക്കുന്നത്. ശ്രീജിത് വിജയ്ക്ക് പകരക്കാരനായാണ് ആനന്ദ് കുടുംബവിളക്കിലേക്കെത്തിയത്.

ഇപ്പോഴിതാ, താരം പ്രമുഖ ചാനലിന് നൽകിയ ഇന്റർവ്യൂ ആണ് വൈറലാകുന്നത്. അവിചാരിതമായി ലഭിച്ച അവസരമായിരുന്നു കുടുംബവിളക്കിലേതെന്ന് ഇന്റർവ്യൂവിൽ പറയുന്നുണ്ട്. അവതാരകനായാണ് ആനന്ദിന്റെ കരിയര്‍ തുടങ്ങുന്നത്. പരിപാടികളുമായി മുന്നേറുന്നതിനിടയിലായിരുന്നു അഭിനയ രംഗത്തേക്ക് ആകൃഷ്ടനായത്. മലയാളത്തിലെ ഒരു പ്രധാന സംവിധായകന്റെ പരമ്പരയുടെ ഭാഗമാവാനുള്ള അവസരം ആനന്ദിന് ലഭിച്ചിരുന്നു. രണ്ടിലേറെ തവണ ചെയ്യിപ്പിച്ചതിന് ശേഷം അഭിനയം പോര, അവതാരക വേഷമാണ് ചേരുന്നതെന്ന് പറഞ്ഞ് പരമ്പരയില്‍ നിന്നും ഒഴിവാക്കുകയായിരുന്നു. മനസ്സിനെ വല്ലാതെ വേദനിപ്പിച്ച സംഭവമാണ് അതെന്ന് ആനന്ദ് പറയുന്നു.

ആ സംഭവത്തെക്കുറിച്ച് വീട്ടിലുള്ളവരോടും പറഞ്ഞിരുന്നു. മനസ്സിലെ വിഷമം പുറത്തറിയിക്കാതെയല്ലേ പെരുമാറിയത്, ഇത് തന്നെ മികച്ച അഭിനയമാണ്. പരിഹസിച്ചവര്‍ക്ക് മുന്നില്‍ അഭിനയിച്ച് തെളിയിക്കണമെന്നുമായിരുന്നു ഭാര്യയുടെ വാക്കുകള്‍. അന്നത്തെ സംവിധായകനെ ഇന്ന് ഗുരുതുല്യനായാണ് കാണുന്നത്. അദ്ദേഹം കോരിയിട്ട ആ തീയാണ് എന്റെ വളര്‍ച്ചയ്ക്ക് പ്രചോദനമായത്. അതിന് ശേഷം നീലാംബരി എന്ന പരമ്പരയില്‍ അഭിനയിച്ചെങ്കിലും അത് വെളിച്ചം കണ്ടിരുന്നില്ല.

കാണാക്കണ്‍മണിയിലൂടെയായിരുന്നു തുടക്കം കുറിച്ചത്. അരുന്ധതി, മൂന്ന് പെണ്ണുങ്ങള്‍, എന്ന് സ്വന്തം ജാനി, സ്വാതി ചോതിനക്ഷത്രം തുടങ്ങി നിരവധി പരമ്പരകളിലായിരുന്നു പിന്നീട് ആനന്ദ് അഭിനയിച്ചത്. വില്ലത്തരവും നായകവേഷവും തനിക്ക് ഇണങ്ങുമെന്ന് തെളിയിക്കുകയായിരുന്നു താരം. സീരിയലുകളില്‍ മാത്രമല്ല സിനിമയില്‍ അഭിനയിക്കാനും തനിക്ക് താല്‍പര്യമുണ്ടെന്നും ആനന്ദ് പറയുന്നു.

പ്രണയിച്ച് വിവാഹിതരായവരാണ് ആനന്ദും മിനിയും. വീട്ടുകാരുടെ പിന്തുണയോടെയായിരുന്നു വിവാഹം. സീരിയലുകളില്‍ നെഗറ്റീവ് കഥാപാത്രത്തെ അവതരിപ്പിക്കുമ്പോള്‍ രസകരമായ പ്രതികരണങ്ങളാണ് ലഭിക്കാറുള്ളത്. മോളെ ഇവനെ സൂക്ഷിക്കണമെന്നായിരുന്നു അന്ന് ഒരു അമ്മൂമ്മ ഇവനെ സൂക്ഷിക്കണമെന്നായിരുന്നു ഭാര്യയോട് പറഞ്ഞത്. ഭാര്യയ്‌ക്കൊപ്പമുള്ള ഫോട്ടോ ഇന്‍സ്റ്റഗ്രാമില്‍ പോസ്റ്റ് ചെയ്തപ്പോള്‍ ചിലര്‍ നെഗറ്റീവ് കമെന്റുകളും വരാറുണ്ടെന്ന് താരം പറഞ്ഞു.