വിദേശപഠനം പൂര്‍ത്തിയാക്കാന്‍ 'പഞ്ചാര അച്ഛന്‍' മാരെ തേടി വിദ്യാര്‍ത്ഥിനികള്‍
പഠനവും താമസ സൗകര്യങ്ങളുമൊക്കെയായി വന്‍ ചെലവ് വരുന്ന വിദേശപഠനം പൂര്‍ത്തിയാക്കാന്‍ വിദ്യാര്‍ത്ഥിനികള്‍ ഡേറ്റിംഗ് സൈറ്റുകളെ അഭയം പ്രാപിക്കുന്നതായി റിപ്പോര്‍ട്ട്. ഡേറ്റിംഗ് സൈറ്റുകളില്‍ നിന്നും സാമ്പത്തിക സഹായം നല്‍കാന്‍ തയ്യാറുള്ള 'പഞ്ചാര അച്ഛന്‍' മാരെ കണ്ടെത്തി അവര്‍ക്ക് പ്രണയവും സഹവാസവും അന്തിക്കൂട്ടും വാഗ്ദാനം ചെയ്യുന്നു.
ഒരു വര്‍ഷം തന്നെ താമസവും ട്യൂഷന്‍ ഫീസുകളുമൊക്കെയായി ശരാശരി 50,000 ഡോളര്‍ വേണ്ടി വരുമ്പോള്‍ പഠനവും താമസവും ദൈനംദിന ചെലവുകളുമൊക്കെയായി ഒരു വന്‍ തുക ഇതിലൂടെ കണ്ടെത്താനാകുന്നു എന്നതും കോഴ്‌സ് കഴിയുമ്പോള്‍ തങ്ങള്‍ എടുത്ത വായ്പ തീര്‍ക്കാനാകും എന്നതുമാണ് ഡേറ്റിംഗ് വെബ്‌സൈറ്റുകള്‍ക്ക് പ്രചാരം കൂടാന്‍ കാരണമായിരിക്കുന്നത്. ട്യൂഷന്‍ ഫീസും വാടകയുമെല്ലാം കൂടുന്ന സാഹചര്യത്തില്‍ വിദ്യാര്‍ത്ഥിനികളില്‍ ഇത്തരം സൈറ്റുകളുടെ പ്രചാരം കൂടുന്നതായിട്ടാണ് വിവരം. അതേസമയം ഇത് വിദ്യാര്‍ത്ഥിനികള്‍ക്ക് ഒരു സാമ്പത്തിക ആശ്വാസമാണെങ്കിലും വേശ്യാവൃത്തിയിലേക്കും പലതരം ചുഷണങ്ങളിലേക്കും നയിക്കപ്പെടാനുള്ള സാധ്യതയും കുറവല്ല.
കൂട്ടത്തിലുള്ള സത്യസന്ധരുടെ കടം ആറക്കമായി ഉയര്‍ന്നപ്പോള്‍ ചില വിദ്യാര്‍ത്ഥിനികള്‍ ഈ രീതിയില്‍ ഒരേ സമയം പല പഞ്ചാര അച്ഛന്‍മാരുമായി കൂട്ടുണ്ടാക്കി ബിരുദ പഠനം തികച്ചും സൗജന്യമായി പുര്‍ത്തിയാക്കി ഇറങ്ങുന്നു. വര്‍ഷംതോറും ചെലവ് കൂടുകയും ചെയ്തുകൊണ്ടിരിക്കുകയാണ്. കഴിഞ്ഞ വര്‍ഷം സ്‌കൂള്‍ പൂര്‍ത്തിയാക്കിയ അണ്ടര്‍ ഗ്രാഡ്വേറ്റ് വിദ്യാര്‍ത്ഥികള്‍ക്ക് ചെലവായത് ശരാശരി 35,000 ഡോളറായിരുന്നു. ഒരു ദീര്‍ഘകാല കോഴ്‌സ് പിന്തുടരുന്നയാള്‍ക്ക് ശരാശരി 75,000 ഡോളറെങ്കിലും ചെലവാകുമെന്ന് സാമ്പത്തിക വിദഗ്ദ്ധര്‍ പറയുന്നു. പല വിദ്യാര്‍ത്ഥികള്‍ക്കും കിട്ടുന്ന വായ്പകള്‍ ജീവിക്കാന്‍ പോലും തികയുന്നില്ല. ഇതിന് പുറമേ പ്രധാന നഗരങ്ങളില്‍ വാടക കുത്തനെ ഉയരുകയും ചെയ്യുന്നുണ്ട്.
ന്യൂയോര്‍ക്കിലെ കൊളംബിയന്‍ സര്‍വകലാശാലയില്‍ ഒരു വിദ്യാര്‍ത്ഥിനിക്ക് കിട്ടിയ സ്‌കോളര്‍ഷിപ്പ് ട്യൂഷന്‍ഫീസിന് മാത്രമേ തികയുമായിരുന്നുള്ളൂ. താമസത്തിനും ഭക്ഷണത്തിനും പണം തികഞ്ഞിരുന്നില്ല. കുറഞ്ഞ ശമ്പളത്തിനുള്ള ജോലി ചെയ്തിരുന്ന ഈ പെണ്‍കുട്ടി സഹപാഠിക്കൊപ്പം മുറി പങ്കുവെച്ചായിരുന്നു കഴിഞ്ഞിരുന്നത്്. പുറത്ത് ഒരു വരുമാനം തേടിയ ഇവര്‍ കണ്ടെത്തിയത് ക്രെയ്ഗ് ലിസ്റ്റും ബാക്ക് പേജ് ഡോട്ട് കോമും സീക്കിംഗ് അറേജ്‌മെന്റ് ഡോട്ട് കോമുമെല്ലാമായിരുന്നു. ഇപ്പോള്‍ ഇവര്‍ക്ക് രണ്ടു ഷുഗര്‍ ഡാഡിമാരെ കിട്ടിയിരിക്കുകയാണ്. ഇവരില്‍ ഒരാളെ ഇടയ്ക്കിടയ്ക്ക് കാണുകയും മറ്റൊരാളെ വ്യവസ്ഥാപിത ബോയ്ഫ്രണ്ടാക്കിയും മാറ്റിയിരിക്കുകയാണ്.
ഇവര്‍ നല്‍കുന്ന മാസ അലവന്‍സ് അപ്പര്‍ട്ട്‌മെന്റ് വാടകയ്ക്കും ഭക്ഷണത്തിനും തുണയായിരിക്കുകയാണ്. പഠനം കഴിഞ്ഞാലും ജോലി കിട്ടുന്നത് വരെ ഷുഗര്‍ ഡാഡിമാരെ ഉപയോഗിക്കാന്‍ തന്നെയാണ് ഈ വിദ്യാര്‍ത്ഥിനിയുടെ തീരുമാനം.
വിദ്യാര്‍ത്ഥിനികള്‍ക്ക് ഇത്തരം പഞ്ചാര അച്ഛന്മാരെ കിട്ടാന്‍ തുടങ്ങിയതോടെ ഡേറ്റിംഗ് വെബ്‌സൈറ്റില്‍ ആളു കൂടുകയും ചെയ്തിട്ടുണ്ട്. 2010 ല്‍ ലോകത്തുടനീളമായി 79,400 പേര്‍ മാത്രമായിരുന്ന വെബ്‌സൈറ്റില്‍ ഇപ്പോഴുള്ളത് 1.9 ദശലക്ഷം യൂസര്‍മാരാണ്. സൈറ്റില്‍ എത്തുന്ന മൂന്നിലൊന്നു പേരും വിദ്യാര്‍ത്ഥിനികളാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
