സ്ത്രീവിരുദ്ധ പരാമര്ശം; ഹര്ദിക് പാണ്ഡ്യക്കും കെ എല് രാഹുലിനുമെതിരെ നടപടി
സ്ത്രീവിരുദ്ധ പരാമര്ശത്തില് ഇന്ത്യന് താരങ്ങളായ ഹര്ദിക് പാണ്ഡ്യക്കും കെ എല് രാഹുലിനുമെതിരെ നടപടി. ഇരുവരെയും അന്വേഷണ വിധേയമായി ബിസിസിഐ സസ്പെന്ഡ് ചെയ്തു. ഓസ്ട്രേലിയയിലുള്ള ഇരു താരങ്ങളോടും നാട്ടിലേക്ക് മടങ്ങാന് നിര്ദേശിച്ചതായി ബിസിസിഐ ഉന്നതാധികാര സമിതി അംഗം വിനോദ് റായ് പറഞ്ഞു. ആറ് മാസത്തിനകം അന്വേഷണം പൂര്ത്തിയാക്കണമെന്നാണ് ബിസിസിഐ ലീഗല് സെല്ലിന്റെ നിയമോപദേശം.
കോഫി വിത്ത് കരണ് ചാറ്റ് ഷോയിലായിരുന്നു ഇരുവരുടെയും പരാമര്ശം. 18ാം വയസില് തന്റെ മുറിയില് നിന്നും കോണ്ടം കണ്ടെത്തിയതിന് അമ്മ ശകാരിച്ചു. എന്നാല് ഞാന് സുരക്ഷിതനായിരിക്കും എന്ന ഉപദേശമാണ് അച്ഛന് നല്കിയത് എന്നുമായിരുന്നു രാഹുലിന്റെ വാക്കുകള്. ക്ലബുകളില് പാര്ട്ടികള്ക്കെത്തുമ്ബോള് പെണ്കുട്ടികളുടെ പേര് ചോദിക്കാത്തത് എന്തെന്നായിരുന്നു ഹര്ദിക്കിനോട് കരണ് ജോഹര് ചോദിച്ചത്. അവരുടെ ചലനങ്ങള് നിരീക്ഷിക്കുന്നതിലാണ് തന്റെ ശ്രദ്ധ എന്നായിരുന്നു ഹര്ദിക്കിന്റെ മറുപടി.
ഹര്ദിക്കിന്റേയും രാഹുലിന്റേയും പരാമര്ശങ്ങള് വിവാദമായതിനെ തുടര്ന്ന് ബിസിസിഐ ഇരുവരോടും വിശദീകരണം തേടിയിരുന്നു. മനഃപൂര്വം ആരേയും അധിക്ഷേപിക്കാന് പറഞ്ഞതല്ലെന്നും, സംഭവിച്ചു പോയതില് കുറ്റബോധമുണ്ടെന്നും, ഇനിയിത് ആവര്ത്തിക്കില്ലെന്നും വ്യക്തമാക്കി ഹര്ദിക് മാപ്പപേക്ഷ നല്കിയെങ്കിലും ബിസിസിഐ ഇത് തള്ളി. പാണ്ഡ്യയുടെ മാപ്പപേക്ഷ അംഗീകരിക്കാന് സാധിക്കില്ലെന്ന നിലപാടാണ് ബിസിസിഐ സ്വീകരിച്ചത്. നാളെ നടക്കാനിരിക്കുന്ന ആദ്യ ഏകദിനത്തിനുള്ള അന്തിമ ഇലവനില് ഇരുവരും ഉള്പ്പെടില്ല എന്നത് ഇതോടെ ഉറപ്പായിക്കഴിഞ്ഞു.
https://www.facebook.com/Malayalivartha