കുല്ദീപിന് നാല് വിക്കറ്റ്, ന്യൂസിലന്ഡ് 157-ന് ഓള്ഔട്ട്
നേപ്പിയറില് ഇന്ത്യയ്ക്കു മുന്നില് ന്യൂസീലന്ഡ് തകര്ന്നടിഞ്ഞു. ഒന്നാം ഏകദിനം ജയിച്ചുകയറാന് ഇന്ത്യയ്ക്ക് വേണ്ടത് 158 റണ്സ് മാത്രം. നായകന് കെയ്ന് വില്യംസന് ഒഴികെയുള്ള ആര്ക്കും ഫോമിലെത്താന് സാധിക്കാതെ പോയതോടെ ന്യൂസീലന്ഡ് 38 ഓവറില് 157 റണ്സിന് എല്ലാവരും പുറത്തായി. തന്റെ 36-ാം ഏകദിന അര്ധസെഞ്ചുറി കുറിച്ച വില്യംസന് 81 പന്തില് ഏഴു ബൗണ്ടറികള് സഹിതം 64 റണ്സെടുത്ത് പുറത്തായി
നാലു വിക്കറ്റ് വീഴ്ത്തിയ കുല്ദീപ് യാദവ്, മൂന്നു വിക്കറ്റ് വീഴ്ത്തിയ മുഹമ്മദ് ഷമി, 2 വിക്കറ്റ് വീഴ്ത്തിയ യുസ്വേന്ദ്ര ചഹല് എന്നിവരാണ് ന്യൂസീലന്ഡിനെ തകര്ത്തുവിട്ടത്. പാര്ട്ട് ടൈം സ്പിന്നറുടെ റോള് ഭംഗിയാക്കിയ കേദാര് ജാദവിനാണ് ഒരു വിക്കറ്റ്. ഇന്നത്തെ മല്സരത്തോടെ മുഹമ്മദ് ഷമി ഏകദിനത്തില് 100 വിക്കറ്റും പൂര്ത്തിയാക്കി. ന്യൂസീലന്ഡ് നിരയില് ആറു താരങ്ങള്ക്ക് രണ്ടക്കം കടക്കാനായില്ല. ഒരു അര്ധസെഞ്ചുറി കൂട്ടുകെട്ടുപോലും പിറക്കാതെ പോയ ഇന്നിങ്സിനൊടുവിലാണ് ന്യൂസീലന്ഡ് 157 റണ്സിന് എല്ലാവരും പുറത്തായത്
വില്യംസന് തന്റെ 36-ാം ഏകദിന അര്ധസെഞ്ചുറി നേടിയത് 63 പന്തില് ആറു ബൗണ്ടറികളോടെയാണ്. കുല്ദീപ് യാദവിന് മല്സരത്തിലെ ആദ്യ വിക്കറ്റ് സമ്മാനിച്ച് മടങ്ങുമ്പോഴേയ്ക്കും 81 പന്തില് ഏഴു ബൗണ്ടറികള് സഹിതം 64 റണ്സായിരുന്നു വില്യംസന്റെ സമ്പാദ്യം. മാര്ട്ടിന് ഗപ്റ്റില് (ഒന്പതു പന്തില് അഞ്ച്), കോളിന് മണ്റോ (ഒന്പതു പന്തില് എട്ട്), റോസ് ടെയ്ലര് (41 പന്തില് 24),ടോം ലാഥം (10 പന്തില് 11), ഹെന്റി നിക്കോള്സ് (17 പന്തില് 12), മിച്ചല് സാന്റ്നര് (21 പന്തില് 14), ഡഗ് ബ്രേസ്വെല് (15 പന്തില് ഏഴ്), ലോക്കി ഫെര്ഗൂസന് (മൂന്നു പന്തില് പൂജ്യം), ട്രെന്റ് ബൗള്ട്ട് (10 പന്തില് ഒന്ന്) എന്നിവരാണ് പുറത്തായ മറ്റുള്ളവര്. ടീം സൗത്തി ഒന്പതു റണ്സോടെ പുറത്താകാത നിന്നു.
സ്കോര് ബോര്ഡില് വെറും അഞ്ചു റണ്സുള്ളപ്പോള് മാര്ട്ടിന് ഗപ്റ്റിലിനെ നഷ്ടമായ ന്യൂസീലന്ഡിന് പിന്നീട് പിടിച്ചുകയറാന് ഇന്ത്യന് ബോളര്മാര് അവസരം നല്കിയില്ല. നാട്ടിലെ പരിചിത സാഹചര്യങ്ങളുടെ ആനുകൂല്യമുണ്ടായിട്ടും ഒരു അര്ധസെഞ്ചുറി കൂട്ടുകെട്ടു പോലും തീര്ക്കാന് ന്യൂസീലന്ഡിനു സാധിച്ചിട്ടില്ല. മൂന്നാം വിക്കറ്റില് റോസ് ടെയ്ലര്-കെയ്ന് വില്യംസന് സഖ്യം കൂട്ടിച്ചേര്ത്ത 34 റണ്സാണ് ഇതുവരെയുള്ള ഉയര്ന്ന കൂട്ടുകെട്ട്.
ഇന്ത്യ ആശിച്ച തുടക്കം സമ്മാനിച്ചത് സ്കോര് ബോര്ഡില് അഞ്ചു റണ്സ് മാത്രമുള്ളപ്പോള് ഗപ്റ്റിലിന്റെ കുറ്റി തെറിപ്പിച്ച് മുഹമ്മദ് ഷമിയാണ്. പിടിച്ചുകയറാനുള്ള കിവീസ് ശ്രമങ്ങളുടെ മുനയൊടിച്ച് സ്കോര് 18-ല് നില്ക്കെ രണ്ടാമത്തെ ഓപ്പണര് കോളിന് മണ്റോയെയും ഷമി തന്നെ വീഴ്ത്തി. ഇക്കുറിയും കുറ്റിതെറിപ്പിച്ചാണ് ഷമി മണ്റോയെ കൂടാരം കയറ്റിയത്
മൂന്നാം വിക്കറ്റില് ക്ഷമയോടെ പിടിച്ചുനിന്ന റോസ് ടെയ്ലര്-വില്യംസന് സഖ്യം ന്യൂസീലന്ഡിന് പ്രതീക്ഷ പകര്ന്നെങ്കിലും ഇന്ത്യയുടെ രക്ഷകനായി ചഹല് അവതരിച്ചു. സ്കോര് 50 കടന്നതിനു പിന്നാലെ ടെയ്ലറെ സ്വന്തം ബോളിങ്ങില് പിടിച്ചു പുറത്താക്കിയ ചാഹല്, പിന്നാലെ ടോം ലാഥമിനെയും സമാന രീതിയില് മടക്കി
പാര്ട്ട് ടൈം സ്പിന്നര് കേദാര് ജാദവിന്റേതായിരുന്നു അടുത്ത ഊഴം. വില്യംസനു കൂട്ടുനില്ക്കാനുള്ള ഹെന്റി നിക്കോള്സിന്റെ ശ്രമം പൊളിച്ച കേദാര്, ഇന്ത്യയ്ക്ക് അഞ്ചാം വിക്കറ്റ് സമ്മാനിച്ചു. അപ്പോള് സ്കോര് ബോര്ഡില് 107 റണ്സ് മാത്രം. മിച്ചല് സാന്റ്നറിനെയും ഷമി മടക്കിയതോടെ ആറിന് 133 റണ്സ് എന്ന നിലയിലായി ന്യൂസീലന്ഡ്.
ഡഗ് ബ്രേസ്വെല്ലിനെ കൂട്ടുപിടിച്ച് വില്യംസന് രക്ഷാപ്രവര്ത്തനത്തിനു തുനിഞ്ഞെങ്കിലും ഇരട്ടപ്രഹരവുമായി കുല്ദീപ് എത്തിയതോടെ ന്യൂസീലന്ഡ് വീണ്ടും പതറി. 34-ാം ഓവറിന്റെ ആദ്യ പന്തില് ക്യാപ്റ്റന് കെയ്ന് വില്യംസന്റെ പ്രതിരോധം തകര്ത്ത ചാഹല്, അവസാന പന്തില് ബ്രേസ്വെല്ലിനെയും മടക്കി. സ്കോര് 146-ല് നില്ക്കെയാണ് ന്യൂസീലന്ഡിന് രണ്ടു വിക്കറ്റ് നഷ്ടമായത്. ഒരു ഓവറിനു ശേഷം മടങ്ങിയെത്തിയ കുല്ദീപ് ലോക്കി ഫെര്ഗൂസനെയും പുറത്താക്കി ന്യൂസീലന്ഡിനെ ഒന്പതിന് 148 റണ്സ് എന്ന നിലയിലേക്കു തള്ളിവിട്ടു. അടുത്ത വരവില് ടിം സൗത്തി സിക്സോടെ വരവേറ്റെങ്കിലും അവസാന പന്തില് ബൗള്ട്ടിനെ (1) വീഴ്ത്തി കുല്ദീപ് കിവീസ് ഇന്നിങ്സിന് തിരശീലയിട്ടു.
https://www.facebook.com/Malayalivartha