ന്യൂസിലന്ഡിനെതിരായ ഏകദിന പരമ്പരയിലെ ആദ്യ മത്സരത്തില് ഇന്ത്യയ്ക്ക് എട്ട് വിക്കറ്റിന്റെ അനായാസ ജയം
ന്യൂസിലന്ഡിനെതിരായ ഏകദിന പരമ്പരയിലെ ആദ്യ മത്സരത്തില് ഇന്ത്യയ്ക്ക് എട്ട് വിക്കറ്റിന്റെ അനായാസ ജയം. പേസര് മുഹമ്മദ് ഷമിയും സ്പിന്നര്മാരായ യുസ്വേന്ദ്ര ചഹലും കുല്ദീപ് യാദവും ചേര്ന്ന് ആദ്യം ബാറ്റ് ചെയ്ത കിവീസിനെ 157 റണ്സില് ഒതുക്കി. വിജയലക്ഷ്യം പിന്തുടര്ന്ന ഇന്ത്യ ഓപ്പണര് ശിഖര് ധവാന്റെ അര്ധ സെഞ്ചുറിയുടെ (പുറത്താകാതെ 75) മികവില് ലക്ഷ്യം കണ്ടു. 34.5 ഓവറില് രണ്ടു വിക്കറ്റിനാണ് ഇന്ത്യ ലക്ഷ്യത്തിലെത്തിയത്.
ടോസ് നേടി ബാറ്റിംഗിനിറങ്ങിയ കിവീസിന് തൊട്ടതെല്ലാം പിഴച്ച ദിവസമായിരുന്നു ഇന്ന്. ഓപ്പണര്മാരായ മാര്ട്ടിന് ഗുപ്റ്റിലിനെയും കോളിന് മണ്റോയെയും ഷമി ക്ലീന്ബൗള്ഡ് ചെയ്തു. പിന്നാലെ റോസ് ടെയ് ലറെയും ടോം ലാതത്തെയും മടക്കി ചഹല് ഇന്ത്യയ്ക്ക് മേല്കൈ നല്കി. അര്ധ സെഞ്ചുറിയോടെ പൊരുതിയ നായകന് കെയ്ന് വില്യംസണ് മാത്രമാണ് കിവീസ് നിരയില് ചെറുത്തുനിന്നത്. വില്യംസണ് 64 റണ്സ് നേടി.മുന്നിര തകര്ന്ന ശേഷമെത്തിയ കുല്ദീപ് വാലറ്റത്തെ തൂത്തെറിഞ്ഞതോടെ കിവീസ് പോരാട്ടം 157 റണ്സില് അവസാനിച്ചു. കുല്ദീപ് നാലും ഷമി മൂന്നും ചഹല് രണ്ടും വിക്കറ്റുകള് നേടി.
ചെറിയ വിജയലക്ഷ്യം പിന്തുടര്ന്ന ഇന്ത്യന് ബാറ്റ്സ്മാന്മാര് അനായാസം സ്കോര് ചെയ്തു. രോഹിത്ധവാന് സഖ്യം 41 റണ്സ് കുറിച്ചു. രോഹിത് (11) മടങ്ങിയ ശേഷമെത്തിയ കോഹ്ലി മികച്ച പിന്തുണയുമായി ധവാനൊപ്പം നിന്നു. 45 റണ്സ് നേടിയാണ് നായകന് മടങ്ങിയത്. അന്പാട്ടി റായിഡുവിനെ കൂട്ടുപിടിച്ച് ധവാന് ഇന്ത്യയെ ലക്ഷ്യത്തിലെത്തിക്കുകയായിരുന്നു.
https://www.facebook.com/Malayalivartha