രോഹിത് ശര്മ്മയും കെഎല് രാഹുലും കത്തിക്കയറിയപ്പോള് ഇന്ത്യയ്ക്ക് കൂറ്റന് സ്കോര്; 20 ഓവറില് ഇന്ത്യ 3 വിക്കറ്റ് നഷ്ടത്തില് 240 റണ്സ് നേടി
കാര്യവട്ടത്ത് ഇന്ത്യ തോറ്റ് മടങ്ങിയപ്പോള് മുംബൈയില് പകരം വീട്ടി. രോഹിത് ശര്മ്മയും കെഎല് രാഹുലും കത്തിക്കയറിയപ്പോള് വാങ്കഡേയില് നിര്ണ്ണായകമായ മൂന്നാം ഏകദിനത്തില് പടുകൂറ്റന് സ്കോര് നേടി ഇന്ത്യ. രോഹിത് ശര്മ്മയും കെഎല് രാഹുലും നല്കിയ മികച്ച തുടക്കത്തിന് ശേഷം ഇടയ്ക്ക് ഇന്ത്യന് ബാറ്റിംഗിന് താളം തെറ്റിയെങ്കിലും അവസാന ഓവറുകളില് വിരാട് കോഹലിയുടെ തീപ്പൊരു ബാറ്റിംഗാണ് ഇന്ത്യയെ വലിയ സ്കോറിലേക്ക് നയിച്ചത്. 20 ഓവറില് ഇന്ത്യ 3 വിക്കറ്റ് നഷ്ടത്തില് 240 റണ്സാണ് നേടിയത്.
ഓവറിനുള്ളില് തന്നെ ഓപ്പണര്മാര് ഇന്ത്യയുടെ സ്കോര് 100 കടത്തുകയായിരുന്നു. 23 പന്തില് രോഹിത് ശര്മ്മ തന്റെ അര്ദ്ധ ശതകം നേടിയപ്പോള് കെഎല് രാഹുല് 29 പന്തില് നിന്ന് 50 റണ്സ് നേടി.
സ്കോര് 135ല് നില്ക്കെ രോഹിത് ശര്മ്മയെയാണ് ഇന്ത്യയ്ക്ക് ആദ്യം നഷ്ടമായത്. 34 പന്തില് നിന്ന് 6 ഫോറും 5 സിക്സും സഹിതം 71 റണ്സാണ് രോഹിത് നേടിയത്. കെസ്രിക് വില്യംസിനാണ് വിക്കറ്റ്. വണ് ഡൗണായി ഇറങ്ങിയ ഋഷഭ് പന്തിനെ പൂജ്യത്തിന് പൊള്ളാര്ഡ് പുറത്താക്കിയതോടെ ഇന്ത്യയുടെ സ്കോറിംഗ് വേഗത കുറയുകയായിരുന്നു.
രോഹിത് പുറത്തായ ശേഷം താളം തെറ്റിയ ഇന്ത്യയ്ക്ക് ഒരു പരിധി വരെ ആശ്വാസമായത് വിരാട് കോഹലിയുടെ ബാറ്റിംഗായിരുന്നു. കെഎല് രാഹുലുമായി ചേര്ന്ന് മൂന്നാം വിക്കറ്റില് 95 റണ്സാണ് വിരാട് കോഹ്ലി നേടിയത്. അവസാന ഓവറുകളില് കോഹ്ലി കത്തിക്കയറിയപ്പോള് ഇന്ത്യ വമ്ബന് സ്കോര് നേടുകയായിരുന്നു.
https://www.facebook.com/Malayalivartha
