ഐപിഎല്ലില് ചെന്നൈ വെടിക്കെട്ട്; മുംബൈ ഇന്ത്യന്സിന് 219 റണ്സ് വിജയലക്ഷ്യം
ഐപിഎല്ലില് ഡല്ഹിയിലെ അരുണ് ജെയ്റ്റ്ലി സ്റ്റേഡിയത്തില് ചെന്നൈ വെടിക്കെട്ട്. മുംബൈ ഇന്ത്യന്സിനെതിരെ ടോസ് നഷ്ടപ്പെട്ട് ബാറ്റിംഗിനിറങ്ങിയ ചെന്നൈ സൂപ്പര് കിംഗ്സ് നിശ്ചിത 20 ഓവറില് നാല് വിക്കറ്റ് നഷ്ടത്തില് 218 റണ്സ് നേടി. ഫാഫ് ഡു പ്ലെസി, മൊയീന് അലി, അന്പാട്ടി റായുഡു എന്നിവരുടെ അര്ധ സെഞ്ചുറികളുടെ ബലത്തിലാണ് ചെന്നൈ മികച്ച റണ്സ് പടുത്തുയര്ത്തത്.
റിതുരാജ് ഗെയ്കവാദിനെ നാലാം പന്തില് ട്രന്റ് ബോള്ട്ട് വീഴ്ത്തിയതു മാത്രമാണ് ടോസ് നേടിയ മുംബൈയ് ഉണ്ടായ ഏക നേട്ടം. പിന്നീട് ബൗളിംഗ് തെരഞ്ഞെടുത്ത മുംബൈ നായകന് രോഹിത്തിന്റെ തീരുമാനം തെറ്റിക്കുന്നതായിരുന്നു ചെന്നൈയുടെ പ്രകടനം.
ഓപ്പണര് ഡു പ്ലെസി മൊയീന് അലിക്കൊപ്പം ചേര്ന്ന് സെഞ്ചുറി കൂട്ട്കെട്ട് പടുത്തുയര്ത്തിയതോടെ മുംബൈയുടെ കണക്ക്കൂട്ടലുകള് പിഴച്ചു. 36 പന്തില് 58 റണ്സ് നേടിയ മൊയിനെ ജയ്പ്രിത് ബ്രുമ പവലിയന് കയറ്റി. തൊട്ടുപിന്നാലെ ഡു പ്ലെസിയെ (28 പന്തില് 50) കീറണ് പൊള്ളാര്ഡും വീഴ്ത്തി. തൊട്ടടുത്ത പന്തില് റെയ്നയെയും (2) പൊള്ളാര്ഡ് മടക്കി. പിന്നീട് റായുഡുവിന്റെ വെടിക്കെട്ടിനാണ് ഡല്ഹി സാക്ഷ്യം വഹിച്ചത്. 27 പന്തില് ഏഴ് സിക്സും നാല് ഫോറും ഉള്പ്പെടെ 72 റണ്സാണ് പുറത്താകാതെ റായുഡു അടിച്ചു കൂട്ടിയത്. രവീന്ദ്ര ജഡേജ 22 റണ്സുമായി പുറത്താകാതെ നിന്നു.
https://www.facebook.com/Malayalivartha