ഏഴ് വര്ഷം കൂടി ക്രിക്കറ്റില് തുടരുമെന്ന് മുന് പാക് ക്രിക്കറ്റ് താരം മുഹമ്മദ് അമീര്; 'ഞാന് നേരിട്ടതൊന്നും പാക്കിസ്ഥാന് യുവ താരങ്ങള് നേരിടരുത്; അവര്ക്ക് കരിയര് ത്യജിക്കേണ്ടി വരരുത്'
പാക്കിസ്ഥാന് ക്രിക്കറ്റ് ബോര്ഡില് നിന്നും താന് നേരിട്ട ദുരനുഭവങ്ങള് യുവതാരങ്ങള്ക്ക് നേരിടേണ്ടി വരരുതെന്നാണ് ആഗ്രഹമെന്ന് മുന് പാക് ക്രിക്കറ്റ് താരം മുഹമ്മദ് അമീര്. 'നമുക്ക് പ്രിയപ്പെട്ട രാജ്യത്തിനായി കളിക്കുന്നതില് നിന്ന് വിരമിക്കുന്നത് എളുപ്പമുള്ള ഒരു കാര്യമല്ല.
ഒരുപാടു ചിന്തിച്ച ശേഷവും അടുപ്പമുള്ളവരുമായി സംസാരിച്ചശേഷവുമാണ് ഇങ്ങനെയൊരു തീരുമാനമെടുത്തത്. അക്കാര്യങ്ങള് വീണ്ടും പറഞ്ഞാല് അതു മോശമാകും. ഞാന് നേരിട്ടതൊന്നും പാക്കിസ്ഥാന്റെ യുവതാരങ്ങള് നേരിടരുതെന്നാണ് ആഗ്രഹം. ഞാന് ചെയ്ത പോലെ അവര്ക്ക് കരിയര് ത്യജിക്കേണ്ടി വരരുത്' മുഹമ്മദ് അമീര് പറയുന്നു.
രാജ്യാന്തര കരിയറില് ഉയരങ്ങളിലേക്ക് കുതിക്കവെ 29ാം വയസിലാണ് ക്രിക്കറ്റ് ലോകത്തെ ഞെട്ടിച്ചുകൊണ്ട് മുഹമ്മദ് ആമിര് വിരമിക്കല് പ്രഖ്യാപിച്ചത്. തുടര്ന്ന് കഴിഞ്ഞ വര്ഷം പാക്ക് ക്രിക്കറ്റ് മാനേജ്മെന്റിനെതിരെ ആമിര് ഗുരുതര ആരോപണങ്ങളുയര്ത്തിയിരുന്നു.
രാജ്യത്തിനു വേണ്ടി കളിക്കുന്നതു നിര്ത്താനുണ്ടായ കാരണങ്ങളാണു താരം വെളിപ്പെടുത്തിയത്. ഇപ്പോഴത്തെ മാനേജ്മെന്റ് മാറിയാല് ടീമിലേക്കു തിരികെ വരാന് തയാറാണെന്നും താരം പിന്നീട് വ്യക്തമാക്കിയിരുന്നു.
രാജ്യാന്തര കരിയറിന് വിരാമമിട്ടെങ്കിലും ലോകത്തിന്റെ വിവിധ ഭാഗങ്ങളില് നടക്കുന്ന ട്വന്റി20 ക്രിക്കറ്റ് ടൂര്ണമെന്റുകളില് ആമിര് കളിച്ചിട്ടുണ്ട്.
ഏഴു വര്ഷം കൂടി ക്രിക്കറ്റ് കളിക്കാന് തീരുമാനിച്ചതായും താരം കഴിഞ്ഞ ദിവസം വെളിപ്പെടുത്തി. ഒരു പാക്കിസ്ഥാന് മാധ്യമത്തോടു സംസാരിക്കവേയാണു താരം ഇക്കാര്യം വ്യക്തമാക്കിയത്.
ഞാന് ക്രിക്കറ്റ് ആസ്വദിക്കുന്നുണ്ട്. ആറ് മുതല് ഏഴ് വര്ഷം വരെ ഇനിയും ക്രിക്കറ്റ് കളിക്കാനാണ് ആലോചിക്കുന്നത്. എന്റെ മക്കള് ഇംഗ്ലണ്ടിലാണ് വളരുന്നത്, അവരുടെ വിദ്യാഭ്യാസവും അവിടെ തന്നെ.
ഞാന് ഇനിയും ഇവിടെ കഴിയുമെന്ന കാര്യത്തില് സംശയമില്ല, അമീര് പറഞ്ഞു. ഇപ്പോള് മറ്റു സാധ്യതകളെക്കുറിച്ചും അവസരങ്ങളെക്കുറിച്ചും ഞാന് ചിന്തിച്ചിട്ടില്ല. ബ്രിട്ടീഷ് പൗരത്വം ലഭിച്ചാലുള്ള നീക്കങ്ങളെക്കുറിച്ച് ആമിര് വ്യക്തമാക്കി.
https://www.facebook.com/Malayalivartha