'വാട്സാപ്പ് ഫോര്വേഡ് മെസേജ് ഉള്ളടക്കം നോക്കാതെ പോസ്റ്റ് ചെയ്തതാണ്'; വിവാദ പോസ്റ്റ് പങ്കുവച്ചതില് മാപ്പ് ചോദിച്ച് ഹര്ഭജന് സിങ്
ഓപ്പറേഷന് ബ്ലൂ സ്റ്റാറില് സൈന്യം വധിച്ച ഖാലിസ്താന് വിഘടനവാദി നേതാവ് ജര്നയില് സിങ്ങ് ഭിന്ദ്രാവാലയെ പ്രകീര്ത്തിച്ചുകൊണ്ട് ഇന്സ്റ്റഗ്രാം സ്റ്റോറി പോസ്റ്റ് ചെയ്ത സംഭവത്തില് ക്രിക്കറ്റ് താരം ഹര്ഭജന് സിംഗ് മാപ്പ് പറഞ്ഞു. ഭിന്ദ്രാവാലെയുടെ ചിത്രത്തിനൊപ്പം 'അഭിമാനത്തോടെ ജീവിച്ചു, മതത്തിന് വേണ്ടി ജീവന് നല്കി' എന്നായിരുന്നു ഹര്ഭജന് കുറിച്ചത്.
വാട്സ്ആപ്പില് വന്ന ഫോര്വേഡ്മെസേജ് ഉള്ളടക്കം നോക്കാതെ പോസ്റ്റ് ചെയ്തതാണെന്നും തന്റെ തെറ്റ് അംഗീകരിക്കുന്നുവെന്നും ഹര്ഭജന് സിങ് ട്വീറ്റ് ചെയ്തു.'കഴിഞ്ഞ ദിവസം ഇന്സ്റ്റഗ്രാമില് അത്തരത്തിലൊരു പോസ്റ്റ് പങ്കുവെച്ചതിന് മാപ്പ് ചോദിക്കുന്നു. ആ പോസ്റ്റില് പറഞ്ഞിരുന്ന കാര്യങ്ങളോടോ ചിത്രത്തിലുണ്ടായിരുന്ന വ്യക്തിയോടോ ഞാന് യോജിക്കുന്നില്ല. ഇന്ത്യയ്ക്കായി പോരാടുന്ന ഒരു സിഖുകാരനാണ് ഞാന്. ഒരിക്കലും രാജ്യത്തിനെതിരെ പ്രവര്ത്തിക്കില്ല. ജനങ്ങളുടെ മനോവികാരം വ്രണപ്പെടുത്തിയതിന് മാപ്പ് ചോദിക്കുന്നു. 20 വര്ഷം രാജ്യത്തിന് വേണ്ടി പ്രവര്ത്തിച്ച ഞാന് രാജ്യവിരുദ്ധ ശക്തികള്ക്ക് ഒരിക്കലും പിന്തുണ നല്കില്ല.' ഹര്ഭജന് ട്വീറ്റില് പറയുന്നു.
https://www.facebook.com/Malayalivartha