പൊടിപാറും പോരാട്ടം ഇന്ന്; ഇന്ത്യ-ശ്രീലങ്ക ഒന്നാം ട്വന്റി-20 മത്സരം ഇന്ന് രാത്രി എട്ടുമണി മുതല്
ഇന്ത്യക്കെതിരായി ഒന്നും സംഭവിക്കില്ലെന്ന് ആരാധകര് വിധിയെഴുതിയ മൂന്നാം ഏകദിനത്തില് ഇന്ത്യയെ ഞെട്ടിച്ച വിജയം നേടിയ ശ്രീലങ്ക ഇന്ന് കുട്ടിക്രിക്കറ്റില് ഇന്ത്യയെ നേരിടുന്നു. ഇന്ത്യയുടെ ശ്രീലങ്കന് പര്യടനത്തിലെ ആദ്യ ട്വന്റി-20ക്ക് ഇന്ന് രാത്രി എട്ടുമണി മുതല് കൊളംബോയിലെ ആര്. പ്രേമദാസ സ്റ്റേഡിയം വേദിയാകും.
ഇന്ത്യയെ സംബന്ധിച്ചിടത്തോളം ഏകദിന പരമ്ബരയിലെ 2-1ന്റെ വിജയം ആത്മവിശ്വാസം കൂട്ടിയിട്ടുണ്ട്. അതേസമയം രണ്ടാം ഏകദിനത്തിലും മൂന്നാം ഏകദിനത്തിലും മുന്നിര പരാജയപ്പെട്ടത് ശിഖര് ധവാന് നയിക്കുന്ന ടീമിന് തലവേദന സൃഷ്ടിക്കുന്നുണ്ട്. രണ്ടാം ഏകദിനത്തില് ''തോറ്റാലെന്തേ വിറപ്പിച്ചില്ലേ' എന്ന അവസ്ഥയിലാണ് ഇന്ത്യ ജയിച്ചുകയറിയത്. നിലവില് താരതമ്യേന ദുര്ബലരായ ശ്രീലങ്കന് നിരയ്ക്കെതിരേയുള്ള അത്തരത്തിലുള്ളൊരു വിജയം പോര എന്നൊരു വിമര്ശനം ഉയരുന്നുണ്ട്.
അതേസമയം രാഹുല് ദ്രാവിഡ് എന്ന കോച്ച് ഇന്ത്യയുടെ മുഖ്യപരിശീലകനാകുമോ എന്ന ചോദ്യത്തിനുള്ള ഉത്തരം കൂടിയാണ ്ഈ പരമ്ബര. അതുകൊണ്ടു തന്നെ മൂന്ന് മത്സരങ്ങളുടെ ട്വന്റി-20 പരമ്ബര ആധികാരികമായി തന്നെ നേടേണ്ടത് ദ്രാവിഡിന്റെ മുന്നിലുള്ള ഒരു കടമ്ബ കൂടിയാണ്. മലയാളി താരം സഞ്ജു സാംസണോ ദേവ്ദത്ത് പടിക്കലിനോ ഇന്ന് കളിക്കാന് അവസരം കിട്ടുമോ എന്ന് കാത്തിരിക്കുകയാണ് ആരാധകര്. അതേസമയം അതിന് വലിയ സാധ്യതയില്ലെന്നാണ് പുറത്തുവരുന്ന സൂചനകള്.
https://www.facebook.com/Malayalivartha