ഇന്ത്യ-ഇംഗ്ലണ്ട് ടെസ്റ്റ് പരമ്പരയ്ക്കുള്ള ടീമില് അഴിച്ചുപണി; പരുക്കേറ്റ കളിക്കാര്ക്ക് പകരമായി പൃഥ്വി ഷായെയും സൂര്യ കുമാര് യാദവിനെയും ടീമില് ഉള്പ്പെടുത്തി
ഇന്ത്യ-ഇംഗ്ലണ്ട് ടെസ്റ്റ് പരമ്ബരയ്ക്കുള്ള ടീമില് മാറ്റം. പരുക്കേറ്റ കളിക്കാര്ക്ക് പകരക്കാരായി പൃഥ്വി ഷായെയും സൂര്യ കുമാര് യാദവിനെയും ടീമില് ഉള്പ്പെടുത്തി. അഞ്ചു മത്സരങ്ങളുടെ പരമ്ബര ആഗസ്റ്റ് നാലിനാണ് ആരംഭിക്കുക. ഓള്റൗണ്ടര്മാരായ വാഷിംഗ്ടണ് സുന്ദര്, ആവേശ് ഖാന്, എന്നിവരും ഓപ്പണിംഗ് ബാറ്റ്സ്മാന് ശുഭ്മന് ഗിലുമാണ് പരുക്കുമൂലം ടീമില് നിന്നും പുറത്തായത്.
"സുന്ദറിന്റെ വലതു കൈയിലെ ബോളിങ് വിരലിന് പരുക്കേറ്റു, പരുക്കില് നിന്നും മുക്തനാകാന് അദ്ദേഹത്തിന് പ്രതീക്ഷിച്ചതിലും കൂടുതല് സമയം വേണം" ബിസിസിഐ പുറത്തിറക്കിയ പ്രസ്തവാനയില് പറഞ്ഞു.
"ഫാസ്റ്റ് ബോളര് ആവേശ് ഖാന് പരിശീലന മത്സരത്തിന്റെ ആദ്യ ദിവസം ഇടതു കൈയുടെ തള്ളവിരലില് പരുക്കേറ്റു, എക്സ്-റെയില് ഒടിവുണ്ടെന്ന് വ്യക്തമായി, പരുക്ക് ചികില്സിക്കുന്നതിന് സ്പെഷ്യലിസ്റ്റിനെ കണ്ടിരുന്നു. അദ്ദേഹവും പരമ്ബരയില് നിന്നും പുറത്തായി," എന്നും പ്രസ്താവനയില് വ്യക്തമാക്കി. ലോക ടെസ്റ്റ് ചാംപ്യന്ഷിപ്പിനിടയില് ഇടതു കാലിനു പരുക്കേറ്റ ശുഭ്മന് ഗില് നാട്ടിലേക്ക് തിരിച്ചെന്നും ബിസിസിഐ പറഞ്ഞു.
അതേസമയം, കോവിഡ് മുക്തനായ വിക്കറ്റ് കീപ്പര് ബാറ്റ്സ്മാന് റിഷഭ് പന്ത് പരിശീലനം ആരംഭിച്ചു. രണ്ടു നെഗറ്റീവ് ആര്ടി പിസിആര് ഫലങ്ങള്ക്ക് ശേഷം ബിസിസിഐ മെഡിക്കല് ടീമിന്റെ അനുമതി ലഭിച്ചതിനു ശേഷമാണു പരിശീലനം ആരംഭിച്ചത്. ബോളിംഗ് കോച്ച് ബി. അരുണ്, വൃദ്ധിമാന് സാഹ, അഭിമന്യു ഈശ്വരന് എന്നിവരും ക്വാറന്റൈന് പൂര്ത്തിയാക്കി ഡര്ഹാമില് ഇന്ത്യന് ടീമിനൊപ്പം ചേര്ന്നു.
ഇന്ത്യന് ടീം: രോഹിത് ശര്മ, മയങ്ക് അഗര്വാള്, ചേതേശ്വര് പൂജാര, വിരാട് കോഹ്ലി (ക്യാപ്റ്റന്), അജിങ്ക്യ രഹാനെ (വൈസ് ക്യാപ്റ്റന്), ഹനുമ വിഹാരി, റിഷഭ് പന്ത് (വിക്കറ്റ് കീപ്പര്), ആര്. അശ്വിന്, രവീന്ദ്ര ജഡേജ, അക്സര് പട്ടേല്, ജസ്പ്രീത് ബുംറ, ഇഷാന്ത് ശര്മ്മ, മുഹമ്മദ് ഷമി, മുഹമ്മദ് സിറാജ്, ഷാര്ദുല് താക്കൂര്, ഉമേഷ് യാദവ്, കെ എല് രാഹുല്, വൃദ്ധിമാന് സാഹ (വിക്കറ്റ് കീപ്പര്), അഭിമന്യു ഈശ്വരന്, പൃഥ്വി ഷാ, സൂര്യകുമാര് യാദവ്. സ്റ്റാന്ഡ്ബൈ കളിക്കാര്: പ്രസീദ് കൃഷ്ണ, അര്സാന് നാഗവാസ്വല്ല
https://www.facebook.com/Malayalivartha