ക്രിക്കറ്റ്‌ ഇതിഹാസം സച്ചിന്‍ തെണ്ടുള്‍ക്കര്‍ അന്താരാഷ്‌ട്ര ക്രിക്കറ്റില്‍ നിന്നും വിരമിക്കുന്ന കാര്യം നവംബര്‍ മാസത്തിലറിയാം. ക്രിക്കറ്റിനെ എന്നും ജീവവായു പോലെ കണ്ടിരുന്ന സച്ചിന്റെ വിരമിക്കല്‍ പ്രഖ്യാപനം ആരാധകരെ തികച്ചും നിരാശപ്പെടുത്തും. അതേസമയം നിരന്തരമായ ഫോം നഷ്‌ടപ്പെടുന്ന സച്ചിന്റെ വിരമിക്കലിനായുള്ള പ്രഗത്‌ഭരുടെ വാദവും ശക്തിപ്പെടുകയാണ്‌. എത്താവുന്ന നേട്ടങ്ങളൊക്കെ നേടിയ സച്ചിന്‍ എന്നു വിരമിക്കുമെന്നാണ്‌ പലരുടേയും ചോദ്യം. ഈ മുപ്പത്തി ഒന്‍പതാം വയസ്സിലും ചുറുചുറുക്കോടെ കളിക്കുന്നു എന്നത്‌ പലരേയും അത്‌ഭുതപ്പെടുത്തുന്നു. കഴിഞ്ഞ 23 വര്‍ഷമായി ക്രിക്കറ്റ്‌ സച്ചിന്റെ ജീവിതത്തിന്റെ ഭാഗമാണ്‌. നവംബറിലാണ്‌ സച്ചിന്‍ ഇനി കളിക്കാനിറങ്ങുന്നത്‌. ഈ കളിയിലെ മികവായിരിക്കും സച്ചിന്റെ തീരുമാനത്തെ സ്വാധീനിക്കുക.