വിരാട് കൊഹ്ലിക്ക് സെഞ്ചറി, ഇന്ത്യ ശക്തമായ നിലയില്
ന്യൂസിലന്ഡിനെതിരായ മൂന്നാം ക്രിക്കറ്റ് ടെസ്റ്റിന്റെ ആദ്യ ദിനം ഇന്ത്യ മികച്ച സ്കോറില്. ആദ്യ ദിനം കളി നിര്ത്തുമ്പോള് ഇന്ത്യ 90 ഓവറില് മൂന്ന് വിക്കറ്റിന് 267 റണ്സ് എന്ന നിലയിലാണ്. ക്യാപ്റ്റന് വിരാട് കോഹ്ലിയുടെ സെഞ്ചുറിയും അജിങ്ക്യ രഹാനയുടെ അര്ദ്ധ സെഞ്ചുറിയുമാണ് ഇന്ത്യയെ മികച്ച സ്കോറില് എത്തിച്ചത്.
നാലാം വിക്കറ്റ് കൂട്ടുകെട്ടില് ഇരുവരും ചേര്ന്ന് 167 റണ്സ് നേടി. ഏറെ നാളുകള്ക്ക് ശേഷമാണ് കോഹ്ലി ഇന്ത്യന് വേദിയില് സെഞ്ചുറി നേടുന്നത്. അതേസമയം ഒരു ഇടവേളയ്ക്ക് ശേഷം ടീമില് മടങ്ങി എത്തിയ ഗംഭീറിന് തിളങ്ങാനായില്ല. 53 പന്തില് 29 റണ്സെടുത്ത് നില്ക്കെ ബൗള്ട്ടിന്റെ പന്തിലാണ് ഗംഭീര് പുറത്തായത്. പത്ത് റണ്സ് എടുത്ത മുരളി വിജയ് ജീതന് പട്ടേലിന്റെ പന്തില് പുറത്തായി.
മുരളി വിജയ്ക്ക് പിന്നാലെ ക്രീസില് എത്തിയ ചേതേശ്വര് പുജാര 108 പന്തില് നിന്ന് 41 റണ്സ് എടുത്തു. മിച്ചല് സ്റ്റാന്റ്നറാണ് പൂജാരയെ പുറത്താക്കിയത്.
https://www.facebook.com/Malayalivartha