തിരുവനന്തപുരത്തെ മല്സരം നിര്ണായകമാകുന്നു; രാജ്കോട്ടില് ഇന്ത്യയ്ക്ക് കനത്ത തോല്വി; ന്യൂസീലന്ഡിന്റെ 196 റണ്സ് മറികടക്കാനാകാതെ 156 റണ്സില് ഇന്ത്യ വീണു
രാജ്കോട്ടില് നടന്ന രണ്ടാം ട്വന്റി20 മല്സരത്തില് ഇന്ത്യയെ വീഴ്ത്തിയ ന്യൂസീലന്ഡ് മൂന്നു മല്സരങ്ങളടങ്ങിയ പരമ്പരയില് 1-1ന് ഒപ്പമെത്തി. 40 റണ്സിനാണ് ഇന്ത്യയുെട തോല്വി. ടോസ് നേടി ബാറ്റിങ്ങിന് ഇറങ്ങിയ ന്യൂസീലന്ഡ് കോളിന് മണ്റോയുടെ സെഞ്ചുറി മികവില് നിശ്ചിത 20 ഓവറില് 196 റണ്സെടുത്തപ്പോള് ഇന്ത്യയുടെ മറുപടി 20 ഓവറില് ഏഴു വിക്കറ്റ് നഷ്ടത്തില് 156 റണ്സില് അവസാനിച്ചു. രണ്ടാം ട്വന്റി20 സെഞ്ചുറി കുറിച്ച കിവീസ് താരം കോളിന് മണ്റോയാണ് കളിയിലെ കേമന്.
ഇതോടെ ഈ മാസം ഏഴിന് തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് നടക്കുന്ന അവസാന മല്സരം പരമ്പര വിജയികളെ നിശ്ചയിക്കുന്നതില് നിര്ണായകമായി. 42 പന്തില് എട്ടു ബൗണ്ടറിയും ഒരു സിക്സും സഹിതം 65 റണ്സെടുത്ത ക്യാപ്റ്റന് വിരാട് കോഹ്ലിയാണ് ഇന്ത്യയുടെ ടോപ് സ്കോറര്. മുന് ക്യാപ്റ്റന് മഹേന്ദ്രസിങ് ധോണി 49 റണ്സെടുത്തു പുറത്തായി. ന്യൂസീലന്ഡിനായി ട്രെന്റ് ബോള്ട്ട് നാല് ഓവറില് 34 റണ്സ് വഴങ്ങി നാലു വിക്കറ്റ് വീഴ്ത്തി.
ന്യൂസീലന്ഡ് ഉയര്ത്തിയ 197 റണ്സ് വിജയലക്ഷ്യത്തിേലക്കു ബാറ്റെടുത്ത ഇന്ത്യയുടെ തുടക്കം തകര്ച്ചയോടെയായിരുന്നു. 11 റണ്സെടുക്കുമ്പോഴേക്കും ഓപ്പണര്മാര് ഇരുവരും പവലിയനില് മടങ്ങിയെത്തി. ആറു പന്തില് ഒരു ബൗണ്ടറിയുള്പ്പെടെ അഞ്ചു റണ്സെടുത്ത രോഹിത് ശര്മയെയും നാലു പന്തില് ഒരു റണ്ണെടുത്ത ധവാനെയും പുറത്താക്കി ബോള്ട്ടാണ് ന്യൂസീലന്ഡിന് മികച്ച തുടക്കം സമ്മാനിച്ചത്. മൂന്നാം വിക്കറ്റില് ശ്രേയസ് അയ്യരെ കൂട്ടുപിടിച്ച് അര്ധസെഞ്ചുറി കൂട്ടുകെട്ട് തീര്ത്ത ക്യാപ്റ്റന് കോഹ്!ലി ഇന്ത്യയ്ക്ക് പ്രതീക്ഷ സമ്മാനിച്ചതാണ്. എന്നാല്, 21 പന്തില് നാലു ബൗണ്ടറികളോടെ 23 റണ്സെടുത്ത അയ്യരെ മടക്കി മണ്റോ അടുത്ത ആഘാതമേല്പ്പിച്ചു. തൊട്ടു പിന്നാലെ രണ്ടു പന്തില് ഒരു റണ്ണുമായി പാണ്ഡ്യയും മടങ്ങിയതോടെ പ്രതീക്ഷ മൊത്തം കോഹ്ലി-ധോണി കൂട്ടുകെട്ടിലായി.
https://www.facebook.com/Malayalivartha