ഗംഭീറിന്റെ ഗംഭീര ബാറ്റിംഗില്‍ ഐ.പി.എല്‍ ആദ്യവിജയം കൊല്‍ക്കത്തയ്‌ക്ക്‌
ഇന്ത്യന്‍ പ്രീമിയര്‍ ലീഗിന്റെ ആറാം സീസണിലെ ആദ്യ വിജയം ഗംഭീര്‍ നയിക്കുന്ന കൊല്‍ക്കത്ത നൈറ്റ്‌ റൈഡേഴ്‌സിന്‌. ഈഡന്‍ ഗാര്‍ഡനില്‍ നടന്ന മത്സരത്തില്‍ ഡല്‍ഹി ഡയര്‍ ഡെവിള്‍സിനെ ആറു വിക്കറ്റിനാണ്‌ കൊല്‍ക്കത്ത തോല്‍പിച്ചത്‌. 29 പന്തില്‍ 42 റണ്‍സെടുത്ത ക്യാപ്‌റ്റന്‍ ഗൗതം ഗംഭീറിന്റെ ഇന്നിംഗ്‌സാണ്‌ കൊല്‍ക്കത്തയുടെ ജയം അനായാസമാക്കിയത്‌. 129 റണ്‍സിന്റെ വിജയലക്ഷ്യവുമായിറങ്ങിയ കൊല്‍ക്കത്ത 8 ബോളുകള്‍ ബാക്കിനില്‍ക്കേ വിജയം കണ്ടു. സുനില്‍ നരൈന്റേയും, രജത്‌ ഭാട്ടിയയുടേയും തീപാറും ബോളിംഗാണ്‌ ഡല്‍ഹിയെ 128 റണ്‍സില്‍ ഒതുക്കിയത്‌. കൊല്‍ക്കത്തക്കു വേണ്ടി സുനില്‍ നരൈന്‍ 4 വിക്കറ്റും, രജത്‌ ഭാട്യയും, ബ്രെറ്റ്‌ ലീയും രണ്ടു വിക്കറ്റു വീതവും വീഴ്ത്തി. ഡല്‍ഹിക്കു വേണ്ടി ക്യാപ്‌റ്റന്‍ മഹേല ജയവര്‍ധന 66 റണ്‍സും, ഡേവിഡ്‌ വാര്‍ണര്‍ 21 റണ്‍സും നേടി. മറ്റാര്‍ക്കും രണ്ടക്കം കടക്കാന്‍ കഴിഞ്ഞില്ല.
https://www.facebook.com/Malayalivartha
