ഇന്ത്യന്‍ ടിം പ്രതിരോധനിരയിനെ വന്‍മതില്‍ സന്തോഷ് ജിംഖാനെ വെല്ലുവിളിച്ച് അനസ്. കേരളാ ബ്ലാസ്‌റ്റേഴ്‌സ് പ്രതിരോധനിരതാരങ്ങളായ അനസും ജിംഗാനും ട്വിറ്ററില്‍ തുറന്നപോരിനിറങ്ങിയിരിക്കുന്നതാണ് ഇപ്പോഴത്തെ ചര്‍ച്ചാ വിഷയം. അനസിന്റെ സ്വദേശമായ മുണ്ടപ്പാലത്ത് ചെളിയില്‍ ഫുട്‌ബോള്‍ കളിക്കാന്‍ കഴിയുമോയെന്നതായിരുന്നു അനസിന്റെ വെല്ലുവിളി.

ഛണ്ഡിഗഡില്‍ നിന്നും തനന്റെ ഗ്യാങ്ങുമായി അനസിനെ നേരിടാന്‍ എത്തുമെന്നാണ് ജിംഗാന്റെ മറുപടിയാണ് ആരാധകരില്‍ ആവേശം നിറച്ചത്. തോല്‍ക്കുന്നവര്‍ തുണികഴുകിതരണമെന്ന് അനസ് ട്വിറ്ററില്‍ കുറിച്ചിട്ടുണ്ട്. ഡല്‍ഹി ഡൈനാമൊസിന്‍ തന്റെ സഹകളിക്കാരനായിരുന്ന ഫ്‌ലോറന്റ് മലൂദയെയും ടഗ്‌ചെയ്തുകൊണ്ടാണ് അനസിന്റെ ട്വീറ്റ്. അനസിനൊപ്പം ചെളിയില്‍ കളിക്കാനുള്ള ആഗ്രഹം മലൂദ പ്രകടിപ്പിച്ചിരുന്നു ' നിങ്ങള്‍ ഇത് കാണുന്നുണ്ടോ' എന്ന ചോദ്യത്തോടെയായിരുന്നു ഫ്രഞ്ച്താരത്തിനെ ടാഗ്‌ചെയ്തിരിക്കുന്നത്. വെല്ലുവിളി എറ്റെടുത്ത ജിംഗനെ കേരളത്തിലേക്ക് സ്വാഗതം ചെയ്തിരിക്കുകയാണ് അനസ്. അനസിനൊപ്പം ഇന്ത്യന്‍ ഫുട്‌ബോളിന്റെ വന്‍മതില്‍ എന്നറിയപ്പെടുന്ന ജിംഗന്റെ വരവും പ്രതീക്ഷിച്ചിരിക്കുകയാണ് മലപ്പുറത്തുകാര്‍.