ഫിഫയുടെ മികച്ച ആരാധികയ്ക്കുള്ള പുരസ്‌കാരം കാഴ്ചയില്ലാത്ത മകന്റെ കണ്ണായി മാറിയ ബ്രസീലുകാരിയായ അമ്മ സില്‍വിയ ഗ്രെക്കോയ്ക്ക്
ഓട്ടിസം ബാധിച്ച് കണ്ണിന് കാഴ്ചയില്ലാത്ത പന്ത്രണ്ടുകാരന്‍ മകന് നിക്കോളാസിന്് ഫുട്‌ബോള്‍ കാഴ്ച പകര്‍ന്നു നല്കിയ ബ്രസീലുകാരിയായ സില്‍വിയ ഗ്രെക്കോ എന്ന അമ്മയ്ക്ക് ഫിഫയുടെ മികച്ച ആരാധികയ്ക്കുള്ള പുരസ്‌കാരം.
പാല്‍മിറാസും ബൊട്ടാഫോഗയും ബ്രസീലിയന്‍ ഫുട്‌ബോള്‍ ലീഗില്‍ ഏറ്റുമുട്ടുന്നത് കാണാനാണ് സില്‍വിയയും നിക്കോളാസും എത്തിയത്. പാല്‍മിറാസിന്റെ കടുത്ത ആരാധകരായ ഇരുവരും ക്ലബ്ബിന്റെ എല്ലാ മത്സരങ്ങളും കാണാന്‍ പോകും. മൈതാനത്തെ കാഴ്ചകള്‍ നിക്കോളാസിന് സില്‍വിയോ വിവരിച്ചുകൊടുക്കും. പാല്‍മിറാസിന്റെ മത്സരവും സില്‍വിയ മകന് ആവേശത്തോടെ പറഞ്ഞുകൊടുത്തത് ആരോ വീഡിയോയില്‍ പകര്‍ത്തി സമൂഹമാധ്യമത്തില്‍ ഇട്ടു.
അത് ആരാധകരുടെ ഹൃദയം കീഴടക്കുകയും കണ്ണുകളെ ഈറനണിയിക്കുകയും ചെയ്തു. പ്രഫഷണലായി കളി വിവരിക്കാന്‍ എനിക്ക് അറിയില്ല. ഞാന്‍ കാണുന്നതും എനിക്ക് തോന്നുന്നതും അവന് പറഞ്ഞുകൊടുക്കും. റഫറിയെ ചീത്ത വിളിക്കേണ്ട സാഹചര്യം പോലും- അമ്പത്തിയാറുകാരിയായ സില്‍വിയ പറഞ്ഞു.
ബ്രസീല്‍ സൂപ്പര്‍ താരമായ നെയ്മറിന്റെ ചെറുപ്പത്തില്‍ ഇഷ്ടപ്പെട്ട ടീമും പാല്‍മിറാസ് ആയിരുന്നു. അതുകൊണ്ടാണ് താനും തന്റെ മകനും പാല്‍മിറാസ് ആരാധകരായതെന്നും സില്‍വിയ പറയുന്നു.
https://www.facebook.com/Malayalivartha
