അര്ജുന അവാര്ഡ് : ജിങ്കാനെയും ബാലാ ദേവിയെയും നാമനിര്ദ്ദേശം ചെയ്തു
അഖിലേന്ത്യ ഫുട്ബോള് ഫെഡറേഷന്, ഫുട്ബോള് താരങ്ങളായ സന്ദേശ് ജിങ്കാനെയും ബാലാ ദേവിയെയും അര്ജുന അവാര്ഡിനു ശുപാര്ശ ചെയ്തു.
ഐ എസ്സ് എല്ലില് കേരളാ ബ്ലാസ്റ്റേഴ്സിന്റെ താരമാണു ജിങ്കാന്. ഇന്ത്യന് ഫുട്ബോളിനായി സമീപകാലത്ത് ഇരുവരും നല്കിയ സംഭാവനകള് പരിഗണിച്ചാണിത്.
ദേശീയ ടീമിലെ സ്ഥിരതയാര്ന്ന പ്രകടനം പരിഗണിച്ചാണ് ജിങ്കാനെയും ബാലായെയും അര്ജുന അവാര്ഡിന് ശുപാര്ശ ചെയ്തെന്ന് എ.ഐ.എഫ്.എഫ്. സെക്രട്ടറി കുശാല് ദാസ് വാര്ത്താ ഏജന്സിയോടു പറഞ്ഞു.
ബ്ലാസേ്റ്റഴ്സ് നായകനായിരുന്ന ജിങ്കാന് പരുക്കുമൂലം കഴിഞ്ഞ സീസണ് പൂര്ണമായി നഷ്ടപ്പെട്ടിരുന്നു. സുനില് ഛേത്രി കഴിഞ്ഞാല് ഇന്ത്യന് ഫുട്ബോളിലെ സുപ്രധാന താരമാണ് സിക്കിം യുണൈറ്റഡിലൂടെ എത്തിയ ജിങ്കാന്,
29 വയസുകാരിയായ ബാലാദേവിയാണ് വിദേശ ക്ലബുമായി കരാര് ഒപ്പിടുന്ന ആദ്യ ഇന്ത്യന് വനിതാ താരം.
സ്കോട്ലന്ഡിലെ റേഞ്ചേഴ്സ് എഫ്.സിയുമായി ഒന്നര വര്ഷത്തേക്കു ബാലാദേവിയുടെ കരാര്. ഇന്ത്യന് ടീമിനായി ഏറ്റവും കൂടുതല് ഗോളടിച്ചതിന്റെ റെക്കോഡും (52) ഈ മണിപ്പുര് താരത്തിനാണ്.
https://www.facebook.com/Malayalivartha