ജേഡന് സാഞ്ചോയും മാര്ക്കസ് റാഷ്ഫോര്ഡും മിന്നിച്ചു; ആശ്വാസ ഗോളടിച്ച് മുഹമ്മദ് സല; ലിവര്പൂളിനെ തകര്ത്തെറിഞ്ഞ് മാഞ്ചസ്റ്ററിന്റെ തിരിച്ചുവരവ്
ഇംഗ്ലീഷ് പ്രീമിയര് ലീഗില് ലിവര്പൂളിനെ തകര്ത്ത് മാഞ്ചെസ്റ്റര് യുണൈറ്റഡ്. യുണൈറ്റഡിന്റെ തട്ടകമായ ഓള്ഡ് ട്രാഫോര്ഡില് നടന്ന മത്സരത്തില് ഒന്നിനെതിരേ രണ്ട് ഗോളുകള്ക്കാണ് തിരിച്ചുവരവിന്റെ വിജയം. പുതിയ സീസണില് യുണൈറ്റഡിന്റെ ആദ്യ വിജയമാണിത്. യുണൈറ്റഡിനായി യുവതാരങ്ങളായ ജേഡന് സാഞ്ചോയും മാര്ക്കസ് റാഷ്ഫോര്ഡും ലക്ഷ്യം കണ്ടപ്പോള് ലിവര്പൂളിനായി സൂപ്പര്താരം മുഹമ്മദ് സല ആശ്വാസ ഗോള് നേടി. പുതിയ പരിശീലകന് എറിക് ടെന് ഹാഗിന് കീഴില് യുണൈറ്റഡ് നേടുന്ന ആദ്യ വിജയമാണിത്. മറുവശത്ത് ലിവര്പൂള് പ്രീമിയര് ലീഗില് തുടര്ച്ചയായ മൂന്നാം മത്സരത്തിലും വിജയം കാണാതെ പോയി.
ഈ വിജയത്തോടെ പോയന്റ് ടേബിളില് അവസാന സ്ഥാനത്തുണ്ടായിരുന്ന യുണൈറ്റഡ് 14ാം സ്ഥാനത്തെത്തി. മൂന്ന് മത്സരങ്ങളില് നിന്ന് മൂന്ന് പോയന്റാണ് ടീമിനുള്ളത്. ഇത്രയും മത്സരങ്ങളില് നിന്ന് രണ്ട് പോയന്റുള്ള ലിവര്പൂള് 16ാമതാണ്. പ്രസ്സിങ് ഗെയിമാണ് യുണൈറ്റഡിന്റെ വിജയത്തിന് കാതലായത്.
ആദ്യ രണ്ട് മത്സരങ്ങളിലും തോറ്റതിനാല് ടീമില് വലിയ അഴിച്ചുപണികള് നടത്തിയാണ് എറിക് ടെന് ഹാഗ് യുണൈറ്റഡിനെ ഇറക്കിയത്. ആദ്യ ഇലവനില് നിന്ന് സൂപ്പര് താരം ക്രിസ്റ്റ്യാനോ റൊണാള്ഡോയെയും നായകന് ഹാരി മഗ്വയറിനെയും നീക്കി. പകരം എലാന്ഗയെയും റാഫേല് വരാനെയെയും ടീമിലുള്പ്പെടുത്തി. 4231 എന്ന ശൈലിയിലാണ് യുണൈറ്റഡ് കളിച്ചത്. വരാനെ വന്നതോടെ ടീമിന്റെ പ്രതിരോധത്തിന് ശക്തി വന്നു.
മത്സരത്തിന്റെ 16ാം മിനിറ്റില് സാഞ്ചോയിലൂടെ യുണൈറ്റഡ് ലീഡെടുത്തു. രണ്ടാം പകുതിയില് എലാന്ഗയ്ക്ക് പകരം ആന്റണി മാര്ഷ്യലിനെ യുണൈറ്റഡ് കൊണ്ടുവന്നു. ഈ നീക്കം ഫലം കാണുകയും ചെയ്തു. രണ്ട് ഗോള് പിറന്നതോടെ ലിവര്പൂള് ആക്രമണം ശക്തിപ്പെടുത്തി. അതിന്റെ ഭാഗമായി മുഹമ്മദ് സല 81ാം മിനിറ്റില് ഗോളടിച്ചു. ബോക്സിനുള്ളിലെ കൂട്ടപ്പൊരിച്ചിലിനൊടുവിലാണ് ഗോള് പിറന്നത്. പിന്നീട് ആക്രമണം ശക്തിപ്പെടുത്താന് ശ്രമിച്ചെങ്കിലും വരാനെയുടെയും ലിസാന്ഡ്രോ മാര്ട്ടിനെസിന്റെയും നേതൃത്വത്തിലുളള യുണൈറ്റഡ് പ്രതിരോധം പാറപോലെ ഉറച്ചുനിന്നു. മത്സരത്തിന്റെ അവസാന മിനിറ്റുകളില് പകരക്കാരനായി റൊണാള്ഡോ കളിക്കാനിറങ്ങി.
https://www.facebook.com/Malayalivartha