ഫ്രഞ്ച് ലീഗ് വണ്‍ ഫുട്‌ബോളില്‍ പിഎസ്ജിയുടെ തേരോട്ടം തുടരുന്നു. ഫ്രഞ്ച് താരം കിലിയന്‍ എംബപെ രണ്ട് ഗോളുകളുമായി കളം കൈയിലെടുത്ത മത്സരത്തില്‍ നുനോ മെന്‍ഡസ് പിഎസ്ജിയുടെ മൂന്നാമത്തെ ഗോള്‍ നേടി.


നെയ്മറിനെ ബെഞ്ചില്‍ ഇരുത്തിയാണ് പിഎസ്ജി കളി ആരംഭിച്ചത്. 18ാം മിനിറ്റില്‍ ആയിരുന്നു എംബപെയുടെ ആദ്യ ഗോള്‍. മെസി പന്തുമായി കുതിച്ച് പെനാല്‍റ്റി ബോക്‌സിന് മുന്നില്‍ വച്ച് എംബപെക്ക് കൈമാറുകയും എംബപെ ഗോള്‍ നേടുകയും ആയിരുന്നു.

ഇതിനു പിന്നാലെ ഫാബിയോ ചുവപ്പ് കണ്ടതോടെ നാന്റസ് 10 പേരായി ചുരുങ്ങി. രണ്ടാം പകുതിയില്‍ 54ാം മിനിറ്റില്‍ ആയിരുന്നു മെസിയുടെ രണ്ടാം അസിസ്റ്റും എംബപെയുടെ രണ്ടാം ഗോളും വന്നത്.

ഇതിനു ശേഷം 68ാം മിനിറ്റില്‍ മെന്‍ഡസ് കൂടെ ഗോള്‍ നേടിയതോടെ പിഎസ്ജി വിജയം പൂര്‍ത്തിയായി.