ഖത്തര്‍ ലോകകപ്പ്... രണ്ട് മുന്‍ ചാമ്പ്യന്മാരെ കീഴടക്കിയ ജപ്പാന്‍ ലോകകപ്പിന്റെ പ്രീക്വാര്‍ട്ടറില്‍; അവസാന മത്സരത്തില്‍ സ്‌പെയിനെ ഒന്നിനെതിരെ രണ്ടു ഗോളുകള്‍ക്ക് തോല്‍പ്പിച്ചാണ് ജപ്പാന്‍ മുന്നേറിയത്, ഗ്രൂപ്പില്‍ മൂന്നാം സ്ഥാനക്കാരായ ജര്‍മനി പുറത്ത്
ഖത്തര്‍ ലോകകപ്പ്... രണ്ട് മുന്‍ ചാമ്പ്യന്മാരെ കീഴടക്കിയ ജപ്പാന്‍ ലോകകപ്പിന്റെ പ്രീക്വാര്‍ട്ടറില്‍; അവസാന മത്സരത്തില്‍ സ്‌പെയിനെ ഒന്നിനെതിരെ രണ്ടു ഗോളുകള്‍ക്ക് തോല്‍പ്പിച്ചാണ് ജപ്പാന്‍ മുന്നേറിയത്, ഗ്രൂപ്പില്‍ മൂന്നാം സ്ഥാനക്കാരായ ജര്‍മനി പുറത്ത്.
സ്‌പെയിന്റെ ജയവും പ്രതീക്ഷിച്ചിരുന്ന ജര്‍മനിക്ക് പുറത്തേക്കുള്ള വഴിയൊരുക്കിയാണ് ജപ്പാന്റെ ജയം. കോസ്റ്ററിക്കയെ രണ്ടിനെതിരെ നാലു ഗോളുകള്‍ക്ക് തോല്‍പ്പിച്ചെങ്കിലും ഗോള്‍ശരാശരിയില്‍ സ്‌പെയിനെ പിന്നിലാക്കാന്‍ കഴിഞ്ഞില്ല. ഗ്രൂപ്പില്‍ മൂന്നാം സ്ഥാനക്കാരായ ജര്‍മനിക്ക് ഖത്തര്‍ മണ്ണില്‍ നിന്ന് നിരാശയോടെ മടങ്ങാം.
ശക്തരായ സ്‌പെയിനെ ഞെട്ടിച്ചാണ് ജപ്പാന്റെ ജയം. സ്‌പെയിനിന്റെ ടിക്കിടാക്കയെ ആക്രമണ ഫുട്‌ബോള്‍ കൊണ്ടും ചാരുതയാര്‍ന്ന ചടുലവേഗം കൊണ്ടുമാണ് ജപ്പാന്‍ കീഴടക്കിയത്.
സ്‌പെയിനിനോട് ഒരു ഗോള്‍ വഴങ്ങിയ ശേഷം രണ്ടെണ്ണം അത്ഭുതകരമായ തിരിച്ചടിച്ചാണ് ജപ്പാന്റെ കുതിപ്പ്. മത്സരത്തിന്റെ ആദ്യപകുതി സ്‌പെയിന്‍ പ്രതീക്ഷിച്ച പോലെ തന്നെയായിരുന്നു. കഴിഞ്ഞ രണ്ട് കളികളിലും ടീമിനായി ഗോളടിച്ച ആല്‍വാരോ മൊറാട്ട പതിനൊന്നാം മിനിറ്റില്‍ ലക്ഷ്യം കാണുകയും രണ്ടാം പകുതിയില്‍ സ്‌പെയിന്‍ ശരിക്കും ഞെട്ടിക്കുകയുംചെയ്തു.
നാല്‍പത്തിയെട്ടാം മിനിറ്റില്‍ പകരക്കാരനായി ഇറങ്ങിയ റിറ്റ്‌സു ഡാവോന്‍ ജപ്പാനെ ഒപ്പമെത്തിച്ചു. മൂന്ന് മിനിറ്റേ വേണ്ടി വന്നുള്ളൂ. ജപ്പാന്‍ വീണ്ടും വല കുലുക്കി. ആവോ തനാക്കയുടെ ഗോളില്‍. മറുപടി ഗോളിനായി സ്‌പെയിന്‍ ആഞ്ഞുശ്രമിച്ചെങ്കിലും ജപ്പാന്റെ പ്രതിരോധത്തില്‍ തട്ടിമാറിപ്പോയി.
അതേസമയം നിര്‍ണായക മത്സരത്തില്‍ വമ്പന്‍ ജയവും പ്രതീക്ഷിച്ച് ഇറങ്ങിയ ജര്‍മനിയെ കോസ്റ്ററിക്ക ശരിക്കും ഞെട്ടിച്ചു. ജര്‍മനിയുടെ ആക്രമണത്തിന് പ്രത്യാക്രമണവുമായി കോസ്റ്ററിക്കയും കളിച്ചു. ജര്‍മനി തുടര്‍ച്ചയായ രണ്ടാം ലോകകപ്പിലും പ്രീക്വാര്‍ട്ടര്‍ കാണാതെ പുറത്തായി. നാലു പോയിന്റായെങ്കിലും ഗോള്‍ശരാശരിയാണ് ജര്‍മനിക്ക് മേല്‍ സ്‌പെയിനിന് മേല്‍ക്കൈ നല്‍കിയത്..
"
https://www.facebook.com/Malayalivartha
