'സമാധാനമായി വിശ്രമിക്കൂ ഇതിഹാസമേ....' ഫുട്ബോള് ഇതിഹാസ താരത്തിന്റെ ജീവിത കഥ പറഞ്ഞ ചിത്രത്തിലെ സംഗീതം പങ്കുവച്ച് എ ആര് റഹ്മാൻ
ആരാധകരെ ഒന്നടങ്കം വേദനയിലാഴ്ത്തി ഫുട്ബോള് ഇതിഹാസം പെലെ അന്തരിച്ചു. 82 വയസായ പെലെ ക്യാൻസര് ബാധിതനായിരുന്നു. ഫുട്ബാൾ ജീവനാക്കിയ പല തലമുറകളുടെയും ആവേശമായിരുന്നു അദ്ദേഹം. ഇപ്പോഴിതാ പെലെയ്ക്ക് ആദരാഞ്ജലി നേരുകയാണ് സംഗീതജ്ഞൻ എ ആര് റഹ്മാൻ. ഒരു ഗാനം പങ്കുവച്ചുകൊണ്ടാണ് അദ്ദേഹം രംഗത്ത് എത്തിയത്.
ഫുട്ബോള് ഇതിഹാസ താരത്തിന്റെ ജീവിത കഥ പറഞ്ഞ സിനിമയായിരുന്നു 'പെലെ: ബെര്ത്ത് ഓഫ് എ ലെജെൻഡ്' എന്നത്. 2016ല് പുറത്തിറങ്ങിയ ഈ ചിത്രത്തിന്റെ സംഗീത സംവിധായകൻ എ ആര് റഹ്മാൻ ആയിരുന്നു. എ ആര് റഹ്മാൻ പെലെയുടെ ജീവചരിത്ര സിനിമയ്ക്ക് വേണ്ടി പാടുകയും ചെയ്തിരുന്നു. ഇപ്പോൾ ആ പാട്ട് പങ്കുവെച്ചാണ് എ ആര് റഹ്മാൻ പെലെയ്ക്ക് ആദരാഞ്ജലി നേര്ന്നിരിക്കുന്നത്.
അതോടൊപ്പം തന്നെ സമാധാനമായി വിശ്രമിക്കൂ ഇതിഹാസമേ എന്നാണ് എ ആര് റഹ്മാൻ എഴുതിയിരിക്കുന്നത്. ഈ ഗാനം അദ്ദേഹത്തിന്റെ ഇതിഹാസ ജീവിതത്തെ ആദരിച്ചുകൊണ്ട് സമര്പ്പിക്കുന്നുവെന്നും അന്നാ ബിയാട്രീസിനൊപ്പം പാടിയ ഗാനം പങ്കുവെച്ച് എ ആര് റഹ്മാൻ കുറിക്കുകയുണ്ടായി. ഏറെ പ്രശസ്തി നേടിയ മ്യൂസിക് വീഡിയോയായിരുന്നു എ ആര് റഹ്മാൻ സംഗീതം ചെയ്ത 'ജിംഗ'.
https://www.facebook.com/Malayalivartha