ആകാംക്ഷയോടെ.... മുംബൈ ഫുട്ബോള് അരീനയില് രാത്രി 7.30ന് നടക്കുന്ന പോരാട്ടത്തില് കേരള ബ്ലാസ്റ്റേഴ്സിന്റെ എതിരാളി മുംബൈ സിറ്റി
ആകാംക്ഷയോടെ.... മുംബൈ ഫുട്ബോള് അരീനയില് രാത്രി 7.30ന് നടക്കുന്ന പോരാട്ടത്തില് കേരള ബ്ലാസ്റ്റേഴ്സിന്റെ എതിരാളി മുംബൈ സിറ്റിയാണ്. ഇന്ത്യന് സൂപ്പര് ലീഗ് ഫുട്ബോളില് തുടര്ച്ചയായ എട്ട് മത്സരങ്ങളില് അപരാജിത കുതിപ്പുമായി നില്ക്കുന്ന കേരള ബ്ലാസ്റ്റേഴ്സിന് ഇന്ന് യഥാര്ഥ പരീക്ഷണമാണിത്.
2022-23 സീസണില് ഇതുവരെ തോല്വിയറിയാത്ത ടീമാണ് മുംബൈ സിറ്റി. ലീഗ് റൗണ്ടില് നാല് മഞ്ഞക്കാര്ഡ് കണ്ട റൈറ്റ് ബാക്ക് സന്ദീപ് സിംഗ് ഇല്ലാതെയാണ് കേരള ബ്ലാസ്റ്റേഴ്സ് ഇന്ന് ഇറങ്ങുന്നത്. നോര്ത്ത് ഈസ്റ്റ് യുണൈറ്റഡിന് എതിരായ 03 ജയം മുതലാണ് കേരള ബ്ലാസ്റ്റേഴ്സിന്റെ അപരാജിത കുതിപ്പ് ആരംഭിച്ചത്.
അന്ന് മുതല് റൈറ്റ് ബാക്കില് സന്ദീപ് സിംഗ് ആയിരുന്നു. അതേസമയം, നാല് മഞ്ഞക്കാര്ഡിനെ തുടര്ന്നുള്ള വിലക്കിനുശേഷം യുക്രെയ്ന് സൂപ്പര് താരം ഇവാന് കലിയൂഷ്നി മുംബൈക്ക് എതിരേ തിരിച്ചെത്തുന്നത് കേരള ബ്ലാസ്റ്റേഴ്സിന് ആശ്വാസകരവുമാണ്.
മുംബൈക്ക് എതിരേ കൊച്ചിയില്വച്ചു നടന്ന ആദ്യപാദത്തില് കേരള ബ്ലാസ്റ്റേഴ്സ് 20നു പരാജയപ്പെട്ടിരുന്നു. അതിന്റെ കണക്ക് തീര്ക്കാനുള്ള അവസരമാണ് ഇവാന് വുകോമനോവിച്ചിന്റെ ശിഷ്യന്മാര്ക്കിന്നുള്ളത്. ഏതായാലും വളരെയേറെ ആംക്ഷയോടെ കാത്തിരിക്കുകയാണ് ആരാധകര്.
https://www.facebook.com/Malayalivartha