ഐഎസ്എല്ലില്‍ ഇന്നലെ നടന്ന മത്സരത്തില്‍ കേരള ബ്ലാസ്റ്റേഴ്‌സിന് തോല്‍വി. മുംബൈ സിറ്റിയോട് എതിരില്ലാത്ത നാല് ഗോളുകള്‍ക്കാണ് ബ്ലാസ്റ്റേഴ്‌സിന് തോല്‍വിയുണ്ടായത്.

ഓര്‍ഗെ പെരേര ഡയസ്സ് ഇരട്ട ഗോളും ഗ്രെഗ് സ്റ്റ്യുവര്‍ട്ട്, ബിപിന്‍ സിങ് എന്നിവര്‍ ഓരോ ഗോളും മുംബൈയ്ക്ക് വേണ്ടി നേടി. ടൂര്‍ണമെന്റിലെ ബ്ലാസ്റ്റേഴ്‌സിന്റെ നാലാം തോല്‍വിയാണിത്. അവസാന എട്ട് മത്സരങ്ങളില്‍ തോല്‍ക്കാതെ മുന്നേറിയ ബ്ലാസ്റ്റേഴ്സിന്റെ അപരാജിതക്കുതിപ്പിനാണ് മുംബൈ വിരാമമിട്ടത്.

കൊച്ചിയില്‍ വെച്ച് ഏറ്റുമുട്ടിയപ്പോഴും മുംബൈ ബ്ലാസ്റ്റേഴ്‌സിനെ കീഴടക്കിയിരുന്നു. ഇന്നത്തെ ജയത്തോടെ പോയന്റ് പട്ടികയില്‍ ഹൈദരാബാദിനെ മറികടന്ന് മുംബൈ ഒന്നാമതെത്തി. 13 മത്സരങ്ങളില്‍ നിന്നായി 10 വിജയമടക്കം 33 പോയന്റാണ് മുംബൈയ്ക്ക്. തോറ്റെങ്കിലും ബ്ലാസ്റ്റേഴ്സ് മൂന്നാം സ്ഥാനത്തുണ്ട്.