ബംഗളൂരു എഫ്‌സിക്കെതിരായ മത്സരം നിശ്ചിത സമയത്ത് ഗോള്‍രഹിത സമനിലയില്‍ പിരിഞ്ഞിരുന്നു. മത്സരം അധിക സമയത്തേക്ക് നീളുകയും ചെയ്തു. അതിനു പിന്നാലെ ബംഗളൂരു എഫ്‌സി ഒരു ഗോള്‍ നേടി. ഈ ഗോള്‍ പക്ഷേ വിവാദമായി മാറി. പിന്നാലെയാണ് ബ്ലാസ്‌റ്റേഴ്‌സ് താരങ്ങള്‍ കോച്ചിന്റെ നിര്‍ദ്ദേശത്താല്‍ മൈതാനം വിട്ടത്. ഐഎസ്എല്ലിലെ നിര്‍ണായക പ്ലേ ഓഫ് മത്സരം പൂര്‍ത്തിയാക്കാതെയാണ് ബ്ലാസ്റ്റേഴ്‌സ് കളം വിട്ടത്.

ഇതോടെ മത്സരം 10ത്തിന് ബംഗളൂരു വിജയിച്ചതായി പ്രഖ്യാപിക്കപ്പെട്ടു. ജയത്തോടെ ബംഗളൂരു സെമിയിലേക്ക് മുന്നേറി. ഒരിക്കല്‍ കൂടി ബ്ലാസ്‌റ്റേഴ്‌സിന് നിരാശാജനകമായ മടക്കം. പക്ഷേ ഇത്തവണ വിവാദത്തിന്റെ അകമ്പടിയുമുണ്ട്. മാത്രമല്ല മത്സരം പൂര്‍ത്തിയാക്കാതെ പ്രതിഷേധിച്ച് ടീം പിന്‍മാറിയത് വലിയ നടപടികളിലേക്ക് നയിക്കാനും സാധ്യതയേറെയാണ്്. വിലക്കടക്കമുള്ള കാര്യങ്ങളും ഒരുപക്ഷേ ടീം നേരിടേണ്ടി വന്നേക്കും.

എക്‌സ്ട്രാ ടൈമിലെ 97ാം മിനിറ്റിലാണ് വിവാദ രംഗങ്ങള്‍ അരങ്ങേറിയത്. ഈ സമയത്ത് ബംഗളൂരുവിന് അനുകൂലമായി ഫ്രീ കിക്ക് ലഭിക്കുകയുണ്ടായി.
ലഭിച്ച ഫ്രീകിക്ക് വേഗത്തില്‍ വലയിലാക്കി സുനില്‍ ഛേത്രിയാണ് ഗോളടിച്ചത്. എന്നാല്‍ ബ്ലാസ്‌റ്റേഴ്‌സ് താരങ്ങള്‍ പ്രതിഷേധിച്ചു. താരങ്ങള്‍ തയ്യാറാകുന്നതിന് മുന്നേ കിക്കെടുത്തെന്ന് ചൂണ്ടിക്കാട്ടി പ്രതിഷേധിച്ചു. ഗോള്‍ അനുവദിക്കരുതെന്ന് ബ്ലാസ്‌റ്റേഴ്‌സ് താരങ്ങള്‍ വാദിച്ചു.

എന്നാല്‍ റഫറി വഴങ്ങിയില്ല. ബംഗളൂരുവിന് അനുകൂലമായി റഫറി ഗോള്‍ അനുവദിക്കുകയുണ്ടായി. ഇതില്‍ പ്രതിഷേധിച്ചാണ് കോച്ച് ഇവാന്‍ വുകാമനോവിച്ച് താരങ്ങളോട് മൈതാനം വിടാന്‍ നിര്‍ദേശിച്ചത്. പിന്നാലെയാണ് ബ്ലാസ്‌റ്റേഴ്‌സ് മത്സരം ബഹിഷ്‌കരിച്ച് മൈതാനം വിട്ടു. നിശ്ചിത സമയത്ത് സ്വന്തം തട്ടകത്തില്‍ ബംഗളൂരുവിന്റെ ആക്രമണങ്ങളോടെയാണ് മത്സരം ആരംഭിച്ചത്. ബ്ലാസ്‌റ്റേഴ്‌സ് പ്രതിരോധത്തിലെ പിഴവുകള്‍ മുതലെടുത്ത് ബംഗളൂരു നിരവധി മുന്നേറ്റങ്ങള്‍ നടത്തി. റോയ് കൃഷ്ണയുടെ മുന്നേറ്റങ്ങള്‍ പലപ്പോഴും ബ്ലാസ്‌റ്റേഴ്‌സ് പകുതിയില്‍ ഭീതി വിതച്ചു. എന്നാല്‍ ഗോള്‍ മാത്രം നേടാന്‍ ബംഗളൂരുവിന് സാധിച്ചില്ല.
അവസാനം നിശ്ചിത സമയം ഗോള്‍രഹിതമായി അവസാനിക്കുകയാണ് ഉണ്ടായത്.