ഇംഗ്ലീഷ് പ്രീമിയര്‍ ലീഗില്‍ കിരീടത്തിലേക്കുള്ള കുതിപ്പ് തുടര്‍ന്ന് ആഴ്‌സണല്‍....
ഇംഗ്ലീഷ് പ്രീമിയര്‍ ലീഗില്‍ കിരീടത്തിലേക്കുള്ള കുതിപ്പ് തുടര്‍ന്ന് ആഴ്‌സണല്‍. ക്രിസ്റ്റല്‍ പാലസിനെ ഒന്നിനെതിരെ നാല് ഗോളിനാണ് ഗണ്ണേഴ്‌സ് കീഴടക്കിയത്.
ലീഗില്‍ ടീമിന്റെ തുടര്‍ച്ചയായ ആറാം ജയമാണിത്. എമിറേറ്റ്‌സ് സ്റ്റേഡിയത്തില്‍ നടന്ന മത്സരത്തില്‍ 28ാം മിനിറ്റില്‍ ഗബ്രിയേല്‍ മാര്‍ട്ടിനല്ലിയുടെ ഗോളോടെയാണ് ആഴ്‌സണല്‍ ഗോള്‍വേട്ട തുടങ്ങിയത്.
താരത്തിന്റെ ശക്തമായ ഇടങ്കാലന്‍ ഷോട്ട് ക്രിസ്റ്റല്‍ പാലസിന്റെ വലയില്‍ കയറുകയായിരുന്നു. ആറ് ലീഗ് മാച്ചില്‍ താരത്തി?ന്റെ ആറാം ഗോളാണിത്. 43ാം മിനിറ്റില്‍ ബെന്‍ വൈറ്റിന്റെ പാസില്‍ ബുകായോ സാക ലീഡ് ഇരട്ടിയാക്കി.
ഓഫ്‌സൈഡ് സംശയിച്ച ഗോള്‍ വിഡിയോ പരിശോധനക്ക് ?ശേഷമാണ് അനുവദിച്ചത്. 55ാം മിനിറ്റില്‍ ലിയാന്‍ഡ്രോ ട്രൊസാഡിന്റെ അസിസ്റ്റില്‍ ഗ്രാനിറ്റ് സാകയും ലക്ഷ്യം കണ്ടതോടെ സ്‌കോര്‍ 3-0 ആയി.
എന്നാല്‍, 63ാം മിനിറ്റില്‍ ജെഫ്രി ഷ്‌ലൂപ്പി?ലൂടെ ക്രിസ്റ്റല്‍ പാലസ് ഒരു ഗോള്‍ തിരിച്ചടിച്ചു. കോര്‍ണറിനെ തുടര്‍ന്നുള്ള ക്ലോസ് റേഞ്ച് ഷോട്ട് വലയിലെത്തുകയായിരുന്നു. എന്നാല്‍, 74ാം മിനിറ്റില്‍ ബുകായോ സാക ഒരിക്കല്‍ കൂടി ഗോളടിച്ച് ഗണ്ണേഴ്‌സിന് മൂന്ന് ഗോളിന്റെ മുന്‍തൂക്കം പുനഃസ്ഥാപിക്കുകയും ചെയ്തു.
https://www.facebook.com/Malayalivartha
