മാഞ്ചസ്റ്റര്‍ സിറ്റി-റയല്‍ മാഡ്രിഡ് പോരാട്ടം സമനിലയില്‍ .സാന്റിയാഗോ ബെര്‍ണബ്യൂവില്‍ നടന്ന ചാമ്പ്യന്‍സ് ലീഗ് സെമിഫൈനല്‍ ആദ്യ പാദ മത്സരത്തില്‍ മാഞ്ചസ്റ്റര്‍ സിറ്റി-റയല്‍ മാഡ്രിഡ് പോരാട്ടം സമനിലയില്‍ (11) പിരിഞ്ഞു.

റയലിന് വേണ്ടി വിനീഷ്യസ് ജൂനിയറും സിറ്റിക്ക് വേണ്ടി കെവിന്‍ ഡി ബ്രൂയിനും ഓരോ ഗോളുകള്‍ നേടി. മാഞ്ചസ്റ്റര്‍ സിറ്റിയുടെ മൂന്നേറ്റമാണ് ആദ്യ പകുതിയിലേറെ കണ്ടെതെങ്കിലും 36-ാം മിനുറ്റില്‍ വിനീഷ്യസിന്റെ അപ്രതീക്ഷിതമായ ഒരു ഷോട്ട് സിറ്റിയുടെ വലകുലുക്കി. ആദ്യ പകുതിയിലെ ലീഡിന്റെ കരുത്തുമായ രണ്ടാം പകുതിയില്‍ പന്തുതട്ടാനിറങ്ങിയ റയലിനെ ഡി ബ്രൂയ്ന്‍ മികച്ച ഷോട്ടുകളുതിര്‍ത്ത് നിരന്തരം തലവേദന സൃഷ്ടിച്ചിരുന്നു.

റയല്‍ ഗോള്‍കീപ്പര്‍ തിബോ കോര്‍ട്ടോയിസ് മികച്ച സേവുകളുമായി റയലിന്റെ രക്ഷക്കെത്തിയെങ്കിലും 67ാം മിനുറ്റില്‍ ഡി ബ്രൂയ്ന്റെ വെടിച്ചില്ല് സിറ്റിക്ക് രക്ഷയായെത്തി.(11). പിന്നീട് വിജയഗോളിനായി ഇരുടീമുകളും കളം നിറഞ്ഞുകളിച്ചെങ്കിലും ഫലമുണ്ടായില്ല .

80ാം മിനുറ്റില്‍ ബെന്‍സെമയുടെ ഒന്നാന്തരം ഹെഡര്‍ എമേഴ്‌സണ്‍ തടഞ്ഞിട്ടു. ഈ മാസം 17 ന് സിറ്റിയുടെ തട്ടകത്തിലാണ് രണ്ടാം പാദമത്സരം നടക്കുക.