ഫ്രഞ്ച് വമ്പന്മാരായ പിഎസ്ജിയുമായുള്ള കരാര്‍ അവസാനിപ്പിച്ച് പുതിയ ക്ലബ് തേടുന്ന സൂപ്പര്‍താരം ലയണല്‍ മെസിക്ക് ലീഗ് വണ്‍ സീസണിലെ അവസാന മത്സരത്തില്‍ തോല്‍വി.

ജയത്തോടെ പിഎസ്ജി കരിയര്‍ അവസാനിപ്പിക്കാമെന്ന മെസിയുടെ മോഹത്തിന് 3 - 2 എന്ന സ്‌കോര്‍ലൈനില്‍ ക്ലെര്‍മോണ്ട് തടയിടുകയായിരുന്നു. അവസാന മത്സരത്തില്‍ പരാജയപ്പെട്ടെങ്കിലും ലീഗ് ചാമ്പ്യന്മാരായി ആണ് പിഎസ്ജി സീസണ്‍ അവസാനിപ്പിക്കുന്നത്.

ഏത് ക്ലബിലേക്കാണ് കൂടുമാറുന്നതെന്ന് മെസി വ്യക്തമാക്കാത്തതിനാല്‍ ലീഗ് വണ്ണിനോട് മെസി വിടപറയുന്ന മത്സരമായിരുന്നോ ഇതെന്ന് വ്യക്തമല്ല. ഈ മത്സരത്തോടെ സെന്റര്‍ ബാക്ക് പൊസിഷനിലെ ഇതിഹാസമായ സ്പാനിഷ് താരം സെര്‍ജിയോ റാമോസും പിഎസ്ജിയോട് വിടപറഞ്ഞു.