വനിതാ ഫുട്ബോള് ലോകകപ്പിന് തുടക്കം... ആദ്യമത്സരങ്ങളില്‍ ഓസ്ട്രേലിയ ഒരു ഗോളിന് അയര്‍ലന്‍ഡിനെ മറികടന്നു
വനിതാ ഫുട്ബോള് ലോകകപ്പിന് തുടക്കം. ആദ്യമത്സരങ്ങളില്‍ ഓസ്ട്രേലിയ ഒരു ഗോളിന് അയര്‍ലന്‍ഡിനെ മറികടന്നപ്പോള്‍ ഇതേ സ്‌കോറിന് ന്യൂസിലന്‍ഡ് മുന്‍ ചാമ്പ്യന്‍മാരായ നോര്‍വെയെ ഞെട്ടിച്ചു.
അയര്‍ലന്‍ഡിനെതിരെ സ്റ്റെഫ് കാറ്റ്ലി പെനല്‍റ്റിയിലൂടെ ജയമൊരുക്കി. ഹന്ന വില്‍കിന്‍സണ്‍ നേടിയ ഗോളിലായിരുന്നു ന്യൂസിലന്‍ഡ് ലോകകപ്പ് ചരിത്രത്തിലെ ആദ്യത്തെ ജയംകുറിച്ചത്.സിഡ്നി ഒളിമ്പിക് പാര്‍ക്കിലെത്തിയ 75,784 കാണികള്‍ക്ക് ആവേശം പകര്‍ന്നാണ് ഓസ്ട്രേലിയ-അയര്‍ലന്‍ഡ് മത്സരം അവസാനിച്ചത്.
അയര്‍ലന്‍ഡ് ഒപ്പത്തിനൊപ്പം പോരാടിയെങ്കിലും ഫിനിഷിങ്ങിലെ പോരായ്മ വിനയായി മാറി . കളി തുടങ്ങുന്നതിനു മുമ്പ് ഓസ്ട്രേലിയക്ക് കനത്ത തിരിച്ചടിയാണ് ഏറ്റത്. സൂപ്പര്‍താരം സാം കെര്‍ പരിക്കേറ്റ് പുറത്ത്. കെറിന്റെ അഭാവം തുടക്കത്തില്‍ ആതിഥേയരെ ബാധിച്ചു. എളുപ്പത്തില്‍ പന്ത് നീക്കാനായില്ല അവര്‍ക്ക്.
ലോകകപ്പിലെ അരങ്ങേറ്റ കളിക്ക് ഇറങ്ങിയ അയര്‍ലന്‍ഡുകാര്‍ പ്രതിരോധംകൊണ്ട് ഓസ്ട്രേലിയന്‍ മുന്നേറ്റത്തെ ശ്വാസംമുട്ടിച്ചു. ക്യാപ്റ്റന്‍ കാറ്റി മകാബെ ഓസ്ട്രേലിയയുടെ മധ്യനിര താരമായ ഹയ്ലി റാസോയെ കൃത്യമായി തടയുകയായിരുന്നു. പിന്നാലെ കാതറീന ഗോറി മികച്ച അവസരം പാഴാക്കി.രണ്ടാംപകുതിയുടെ തുടക്കത്തിലാണ് ഓസ്ട്രേലിയ ലീഡ് നേടിയത്.
https://www.facebook.com/Malayalivartha
