വീണ്ടും ഇരട്ട ഗോള്‍.... യൂറോപ്പ് വിട്ട് അമേരിക്കന്‍ ലീഗിലേക്ക് ചേക്കേറിയ അര്‍ജന്റീനന്‍ സൂപ്പര്‍ സ്റ്റാര്‍ ലയണല്‍ മെസ്സി മിന്നും ഫോമില്‍...
യൂറോപ്പ് വിട്ട് അമേരിക്കന്‍ ലീഗിലേക്ക് ചേക്കേറിയ അര്‍ജന്റീനന്‍ സൂപ്പര്‍ സ്റ്റാര്‍ ലയണല്‍ മെസ്സി മിന്നും ഫോമില്‍ തുടരുകയാണ്. ലീഗ് കപ്പ് പ്രീ ക്വാര്‍ട്ടറില്‍ ഡാലസിനെതിരെ അവസാന നിമിഷം തകര്‍പ്പന്‍ ഫ്രീകിക്കടക്കം വീണ്ടും ഇരട്ട ഗോള്‍ സ്വന്തമാക്കിയ മെസ്സി ഇന്റര്‍ മിയാമിയെ വിജയത്തിലേക്ക് നയിച്ചു.
മുഴുവന്‍ സമയത്ത് ഇരുടീമുകളും നാല് വീതം ഗോളുകള്‍ നേടി സമനിലയിലായതോടെ ഷൂട്ടൗട്ടിലാണ് ഇന്റര്‍മിയാമി ഡാലിസിനെ പരാജയപ്പെടുത്തിയത്.
ആറാം മിനിറ്റില്‍ മെസ്സി തന്നെയാണ് ഗോള്‍ വേട്ടയ്ക്ക് തുടക്കമിട്ടത്. എന്നാല്‍ രണ്ട് ഗോളുകള്‍ തിരിച്ചടിച്ച് ഡാലസ് ആദ്യ പകുതിയില്‍ മുന്നിട്ട് നില്‍ക്കുകയായിരുന്നു. രണ്ടാം പകുതിയില്‍ 63-ാം മിനിറ്റില്‍ മറ്റൊരു ഗോള്‍ കൂടി ഡാലസ് നേടി. ഇതോടെ 3-1 എന്ന നിലയിലായി. എന്നാല്‍ രണ്ട് മിനിറ്റനകം മിയാമി ഒരു ഗോള്‍ തിരിച്ചടിച്ചു.
പിന്നീട് ഇരുഭാഗത്തും ഒരോ സെല്‍ഫ് ഗോളുകളും പിറന്നു. ഇന്റര്‍മിയാമി ഒരു ഗോളിന് പിന്നില്‍ നില്‍ക്കെ 85-ാം മിനിറ്റിലാണ് മെസ്സിയുടെ തകര്‍പ്പന്‍ ഫ്രീ കിക്ക് ഗോള്‍ വന്നത്. ഇടങ്കാലില്‍ നിന്ന് തൊടുത്ത ഷോട്ട് ഡാലസ് ഗോള്‍ കീപ്പറേയും കബളിപ്പിച്ച് പോസ്റ്റിന്റെ വലത് മൂലയിലിറങ്ങി. മത്സരം സമനിലയില്‍, പിന്നാലെ ഷൂട്ടൗട്ടില്‍ 5-3ന് മിയാമി വിജയിച്ചു.
"
https://www.facebook.com/Malayalivartha
