സൗദിയുടെ ഓഫര്‍ തളളി അര്‍ജന്റീനയുടെ സൂപ്പര്‍ താരം റോഡ്രിഗോ ഡി പോള്‍; മണലാരണ്യത്തിലേക്ക് വരുന്നില്ല!
ആ പ്രതീക്ഷ നഷ്ടമായി. അര്‍ജന്റീനയുടെ സൂപ്പര്‍ താരം റോഡ്രിഗോ ഡി പോള്‍ സൗദിയിലെത്തുമെന്ന വാര്‍ത്തകള്‍ തളളി പ്രമുഖ അര്‍ജന്റീയൻ ഫുട്ബോള് ജേര്‍ണലിസ്റ്റ് ഗാസ്റ്റൻ എഡുല്‍. സ്പാനിഷ് ക്ലബ്ബ് അത്ലറ്റിക്കോ മാഡ്രിഡില്‍ താരം തുടരുമെന്നാണ് പുറത്ത് വരുന്ന റിപ്പോര്‍ട്ടുകള്‍. റൊണാള്‍ഡോയ്‌ക്ക് ശേഷം നിരവധി ഫുട്ബോള് വമ്ബമാരെ കളത്തിലെത്തിച്ച സൗദി കബ്ബ് അല്‍ ഹിലാലിന്റെ ഓഫറാണ് താരം തളളിയത്.
നെയ്മറെ സ്വന്തമാക്കാനായി അല്‍ ഹിലാല്‍ വലയൊരുക്കിയെങ്കിലും അദ്ദേഹം അല്‍ നസാറുമായി കരാറിലെത്തുകയായിരുന്നു. ഖത്തര്‍ ലോകകപ്പിലടക്കം അര്‍ജന്റീനക്കായി തിളങ്ങിയ റോഡ്രിഗോ ഡി പോളിനായി ഏകദേശം 32 മില്യണ്‍ യൂറോയുടെ ബിഡായിരുന്നു താരത്തിന് മുന്നില്‍ ഹിലാല്‍ വെച്ചത്. ഹിലാല്‍ മാനേജ്‌മെന്റ് താരവുമായി ബന്ധപ്പെടുകയും കരാര്‍ രേഖകള്‍ മുന്നോട്ടുവെക്കുകയും ചെയ്തു. എന്നാല്‍ താരം പിൻവാങ്ങുകയായിരുന്നു.
അര്‍ജന്റീനിയൻ പരിശീലകൻ ലയണല്‍ സ്‌കലോണി, മാനേജര്‍ ഡിയാഗോ സിമിയോണി എന്നിവരുമായി താരം സൗദി ക്ലബ്ബിന്റെ ഓഫറിനെ പറ്റി സംസാരിച്ചിരുന്നുവെന്നും ഗാസ്റ്റൻ വ്യക്തമാക്കുന്നു. നേരത്തെ റെക്കോര്‍ഡ് തുകയുമായി മെസിക്ക് പിന്നാലെയും സൗദി ക്ലബ്ബ് സജീവമായി രംഗത്തുണ്ടായിരുന്നു. എന്നാല്‍ താരം അമേരിക്കൻ ക്ലബ്ബായ ഇന്റര്‍ മിയാമിയുമായി കരാറിലെത്തി. ബ്രസീല്‍ സൂപ്പര്‍ താരം നെയ്മര്‍ എത്തിയതാണ് അവസാനത്തെ സൗദി ലീഗിലെ ഗ്ലാമര്‍ സൈനിംഗ്.
https://www.facebook.com/Malayalivartha
