ലോകകപ്പ് യോഗ്യത റൗണ്ടില് ബ്രസീലിന് തുടര്ച്ചയായ രണ്ടാം ജയം
ലോകകപ്പ് യോഗ്യത റൗണ്ടില് ബ്രസീലിന് തുടര്ച്ചയായ രണ്ടാം ജയം. ലിമയില് നടന്ന മത്സരത്തില് പെറുവിനെ ഏകപക്ഷീയ ഒരുഗോളിനാണ് ബ്രസീല് പരാജയപ്പെടുത്തിയത്. മത്സരത്തിലുടനീളം ആധിപത്യം പുലര്ത്തിയ ബ്രസീലിന് സ്വന്തം തട്ടകത്തില് പെറു കനത്ത വെല്ലുവിളിയാണ് ഉയര്ത്തിയിട്ടുള്ളത്.
90 മിനിറ്റുവരെ ഗോളൊഴിഞ്ഞു നിന്ന മത്സരത്തില് നെയ്മറിന്റെ അസിസ്റ്റില് മര്ക്വിഞ്ഞോസാണ് ബ്രസീലിനായി വിജയഗോള് നേടിയത്. 90-ാം മിനിറ്റില് പോസ്റ്റിലേക്ക് പറന്നിറങ്ങിയ നെയ്മറിന്റെ കോര്ണര് കിക്ക് മര്ക്വിഞ്ഞോസ് ഹെഡ് ചെയ്ത് ഫിനിഷ് ചെയ്തു. ആദ്യമത്സരത്തില് ബ്രസീല് ഒന്നിനെതിരെ അഞ്ച് ഗോളിന് ബൊളീവിയയെ തകര്ത്തിരുന്നു.
ഇതോടെ രണ്ടുമത്സരങ്ങളില് രണ്ടും ജയിച്ച് ആറുപോയിന്റുമായി പട്ടികയില് ഒന്നാം സ്ഥാനത്താണ് ബ്രസീല്. അര്ജന്റീനക്കും ആറ് പോയിന്റുണ്ടെങ്കിലും ഗോള് ശരാശരിയുടെ അടിസ്ഥാനത്തില് രണ്ടാമതാണ് അര്ജന്റീന.
"
https://www.facebook.com/Malayalivartha
