എ.എഫ്.സി. കപ്പ് മത്സരത്തില്‍ മോഹന്‍ ബഗാനെ തകര്‍ത്ത് ഒഡിഷ. രണ്ടിനെതിരെ അഞ്ച് ഗോളുകള്‍ക്കായിരുന്നു ഒഡിഷയുടെ ജയം. ഇതോടെ ഗ്രൂപ്പ് ഡിയില്‍ നിന്നും മുന്നേറാനുള്ള ബഗാന്റെ പ്രതീക്ഷകള്‍ മങ്ങുകയായിരുന്നു.

17ാം മിനിറ്റില്‍ ഹ്യൂഗോ ബൗമോസിലൂടെ ബഗാനാണ് മുന്നിലെത്തിയത്. പിന്നീട്, 30ാം മിനിറ്റില്‍ റോയ് കൃഷ്ണയിലൂടെ ഒഡിഷ ഒപ്പമെത്തി. ഡീയാഗോ മൗറീഷ്യോ (32), സൈ ഗോദാര്‍ഡ് (41), അനികേത് ജാദവ് (90+2), ഇസാക് വന്‍ലാല്‍റുത്‌ഫെല (90+5) എന്നിവരാണ് ഒഡിഷയുടെ മറ്റ് സ്‌കോറര്‍മാര്‍.