കേരളത്തിന് ആദ്യമായി സന്തോഷ് ട്രോഫി നേടിത്തന്ന ടീമിന്റെ വൈസ് ക്യാപ്റ്റനും കേരള കോച്ചുമായിരുന്ന ടി.എ. ജാഫര്‍ അന്തരിച്ചു....
കേരളത്തിന് ആദ്യമായി സന്തോഷ് ട്രോഫി നേടിത്തന്ന ടീമിന്റെ വൈസ് ക്യാപ്റ്റനും കേരള കോച്ചുമായിരുന്ന ടി.എ. ജാഫര്‍ (79) അന്തരിച്ചു. എറണാകുളം ശ്രീ സുധീന്ദ്ര ആശുപത്രിയില്‍ ഇന്നലെ രാത്രി 8.15 ഓടെയാണ് അന്ത്യമുണ്ടായത്.
സെറിബ്രല്‍ ഹെമറേജ് സംഭവിച്ചതിനെ തുടര്‍ന്ന് മൂന്നുമാസത്തോളമായി ചികിത്സയില്‍ കഴിയുകയായിരുന്നു. കേരളം ആദ്യ സന്തോഷ് ട്രോഫി നേട്ടത്തിന്റെ അന്‍പതാം വാര്‍ഷികം ആഘോഷിക്കുന്ന വേളയിലാണ് അന്ത്യം. ദുബായില്‍ മക്കളെ കാണാന്‍ സെപ്റ്റംബറില്‍ പോയപ്പോഴാണ് സെറിബ്രല്‍ ഹെമറേജ് സംഭവിച്ചത്.
ദുബായിലെ ചികിത്സയ്ക്കു ശേഷം എറണാകുളം ആസ്റ്റര്‍ മെഡ്‌സിറ്റി ആശുപത്രിയിലേക്ക് മാറ്റി. ഒരുമാസമായി സുധീന്ദ്ര ആശുപത്രിയിലെ പാലിയേറ്റീവ് കെയര്‍ വിഭാഗത്തിലായിരുന്നു അദ്ദേഹം.
അതേസമയം 1973ല്‍ കേരളത്തിന് ആദ്യമായി സന്തോഷ് ട്രോഫി നേടിയ ടീമിന്റെ വൈസ് ക്യാപ്റ്റനായിരുന്ന അദ്ദേഹം, 1992, 1993 വര്‍ഷങ്ങളില്‍ സന്തോഷ് ട്രോഫി നേടിയ ടീമിന്റെ കോച്ചുമായിരുന്നു. പ്രീമിയര്‍ ടയേഴ്‌സ് ഫുട്‌ബോള്‍ ടീമിന്റെ സുവര്‍ണകാലത്തെ പ്രധാന താരമായിരുന്നു അദ്ദേഹം.
"
https://www.facebook.com/Malayalivartha
