റയല്‍ അത്‌ലറ്റിക്കോയെ കീഴടക്കി... സ്പാനിഷ് സൂപ്പര്‍ കപ്പ് സെമി ഫൈനലില്‍ റയല്‍ മഡ്രിഡിന് മിന്നും ജയം.... സ്പാനിഷ് സൂപ്പര്‍ കപ്പ് സെമി ഫൈനലില്‍ റയല്‍ മഡ്രിഡിന് മിന്നും ജയം.

സൗദിയിലെ അല്‍ അവ്വാല്‍ സ്‌റ്റേഡിയത്തില്‍ നടന്ന മത്സരത്തില്‍ മൂന്നിനെതിരെ അഞ്ച് ഗോളിനാണ് അത്‌ലറ്റിക്കോ മഡ്രിഡിനെ റയല്‍ വീഴ്ത്തിയത്. ബാഴ്‌സലോണയും ഒസാസുനയും തമ്മില്‍ നടക്കുന്ന രണ്ടാം സെമിയിലെ ജേതാക്കളെ 15ന് റയല്‍ ഫൈനലില്‍ നേരിടും. അധികസമയത്തിലേക്ക് നീണ്ട മത്സരത്തിലാണ് റയല്‍ അത്‌ലറ്റിക്കോയെ കീഴടക്കിയത്.

നിശ്ചിത സമയത്ത് അടിക്ക് തിരിച്ചടിയുമായി ഇരുടീമുകളും ഒന്നിനൊന്ന് മുന്നേറിയപ്പോള്‍ സ്‌കോര്‍ 3-3 എന്ന നിലയിലായി. എന്നാല്‍, എക്‌സ്ട്രാ ടൈമില്‍ നേടിയ രണ്ട് ഗോളുകള്‍ റയല്‍ ജയം കുറിച്ചു. റയലിനെ ഞെട്ടിച്ചുകൊണ്ട് ആറാം മിനുട്ടില്‍ മരിയോ ഹെര്‍മോസോയാണ് അത്‌ലറ്റിക്കോയുടെ ആദ്യ ഗോള്‍ നേടിയത്. ഇതിനുള്ള മറുപടി ഗോള്‍ 20ാം മിനിറ്റില്‍ അന്റോണിയോ റൂഡിഗര്‍ നല്‍കി. സ്‌കോര്‍ 11. ഒമ്പത് മിനുട്ടിന് ശേഷം ഫെര്‍ലാന്‍ഡ് മെന്‍ഡി വീണ്ടും വലകുലുക്കിയപ്പോള്‍ റയല്‍ 2-1ന് മുന്നില്‍.

എന്നാല്‍, 37ാം മിനുട്ടില്‍ അന്റോണിയോ ഗ്രീസ്മാന്‍ അത്‌ലറ്റിക്കോയെ ഒപ്പമെത്തിച്ചു. 78ാം മിനിറ്റില്‍ ഗോള്‍ നേട്ടക്കാരന്‍ അന്റോണിയോ റൂഡിഗര്‍ വഴങ്ങിയ സെല്‍ഫ് ഗോളിലൂടെ അത്‌ലറ്റിക്കോ 3-2ന് മുന്നിലെത്തി. മത്സരം അവസാനിക്കാന്‍ അഞ്ച് മിനുട്ട് ശേഷിക്കെ പരാജയമുഖത്തുനിന്ന് ഡാനി കര്‍വാജല്‍ റയലിന് വേണ്ടി ഗോള്‍ നേടി സമനില പിടിച്ചു. (3-3)

എക്‌സ്ട്രാ ടൈമില്‍ റയല്‍ രണ്ട് ഗോളുകള്‍ നേടി വിജയമുറപ്പിക്കുകയായിരുന്നു. 116ാം മിനുട്ടില്‍ ജോസേലു, ഇന്‍ജുറി ടൈമിന്റെ രണ്ടാംമിനുട്ടില്‍ ബ്രഹിം ഡയസ് എന്നിവരാണ് ഗോള്‍ നേടിയത്. ഇതോടെ 5-3ന് മത്സരം സ്വന്തമാക്കി റയല്‍ ഫൈനല്‍ ഉറപ്പിക്കുകയായിരുന്നു.