ആന്ഫീല്ഡില് ഒന്നിനെതിരെ നാല് ഗോളുകള്ക്ക് ചെല്സിയെ തകര്ത്ത് ലിവര്പൂള്
ആന്ഫീല്ഡില് ഒന്നിനെതിരെ നാല് ഗോളുകള്ക്ക് ചെല്സിയെ തകര്ത്ത് ലിവര്പൂള്. പ്രീമിയര് ലീഗ് പട്ടികയില് ഒന്നാം സ്ഥാനത്തുള്ള ലിവര്പൂള് ജയത്തോടെ ബഹുദൂരം മുന്നിലെത്തി. 23ാം മിനിറ്റില് പോര്ച്ചുഗല് സ്ട്രൈക്കര് ഡീഗോ ജോട്ടയിലൂടെയാണ് ചെമ്പട ആദ്യ ലീഡെടുക്കുന്നത്.
39ാം മിനിറ്റില് കോണര് ബ്രാഡ്ലി ലീഡ് ഇരട്ടിയാക്കി. ആദ്യ പകുതി അവസാനിക്കാന് സെക്കന്ഡുകള് മാത്രം ശേഷിക്കെ ജോട്ടയെ പെനാല്റ്റി ബോക്സിനകത്ത് വീഴ്ത്തിയതിന് ലിവര്പൂളിന് അനുകൂലമായി പെനാല്റ്റി ലഭിച്ചെങ്കിലും ഡാര്വിന് ന്യൂനസിന്റെ കിക്ക് പോസ്റ്റില് തട്ടി പുറത്തേക്ക് പോയി.
രണ്ടു ഗോളിന്റെ ലീഡുമായി രണ്ടാം പകുതി ആരംഭിച്ച ലിവര്പൂളിനായി 65ാം മിനിറ്റില് ഹംഗേറിയന് താരം ഡൊമനിക് സോബോസ്ലൈ മൂന്നാം ഗോള് നേടിയതോടെ ആന്ഫീല്ഡില് ചെമ്പട വിജയാഘോഷം തുടങ്ങി. ബ്രാഡ്ലിയുടെ ക്രോസില് തകര്പ്പന് ഹെഡറിലൂടെയാണ് സോബോ വലയിലാക്കിയത്. 71ാം മിനിറ്റിലാണ് ചെല്സിയുടെ ആശ്വാസ ഗോളെത്തുന്നത്(31). ഫ്രഞ്ച് അറ്റാക്കിങ് മിഡ് ഫീല്ഡര് ക്രിസ്റ്റഫര് നുക്കുന്കുവാണ് ലിവര്പൂള് പ്രതിരോധം മറികടന്ന് ഗോളടിച്ചത്. 79ാം മിനിറ്റില് ലൂയിസ് ഡയസും ഗോള് കണ്ടെത്തിയതോടെ ലിവര്പൂള് ആധികാരിക വിജയം ആഘോഷിച്ചു.
https://www.facebook.com/Malayalivartha
