സൗദി പ്രൊ ലീഗില് അല് നസ്ര്-അല് ഹിലാല് മത്സരം 1-1ന് സമനിലയില്...
സൗദി പ്രൊ ലീഗില് അല് നസ്ര്-അല് ഹിലാല് മത്സരം 1-1ന് സമനിലയില്. അല് നസ്റിനായി തലിസ്ക ഗോള് നേടിയപ്പോള് സെര്ജി മിലിങ്കോവിചിന്റെ വകയായിരുന്നു അല് ഹിലാലിന്റെ സമനില ഗോള്. മത്സരത്തിന്റെ ആദ്യ മിനുട്ടിലായിരുന്നു അല് നസ്റിന്റെ ഗോള്.
ഒട്ടാവിയോയുടെ അസിസ്റ്റില് നിന്നുമായിരുന്നു തലിസ്കയുടെ ഗോള് പിറന്നത്. ആദ്യ പകുതിയില് പിന്നീട് ഗോള് പിറന്നില്ല.ഗോള് മടക്കാനായി നിരന്തരം പരിശ്രമിച്ച അല് ഹിലാലിന് 77ാം മിനിറ്റില് ലക്ഷ്യം കാണാന് സാധിച്ചു. അല് ദാസരിയുടെ ബാക്ക് ഹീല് പാസ്സില് നിന്നും റിനാന് ലോദി നല്കിയ ക്രോസ് മിലിങ്കോവിച്ച് വലയിലാക്കുകയായിരുന്നു.കിങ് കപ്പിലെ അവസാന മത്സരത്തില് അല് താവൂനോട് എതിരില്ലാത്ത ഒരു ഗോളിന് തോറ്റ അല് നസ്ര് ഇന്നലെ വിജയത്തിനായി പൊരുതിക്കളിച്ചിട്ടുണ്ടായിരുന്നു.
ആ മത്സരത്തില് സൂപ്പര്താരം ക്രിസ്റ്റ്യാനോ റൊണാള്ഡോ നിര്ണായക പെനാല്റ്റി നഷ്ടപ്പെടുത്തിയിട്ടുണ്ടായിരുന്നു. ഇന്നലത്തെ മത്സരത്തിലും ക്രിസ്റ്റ്യാനോക്ക് തിളങ്ങാന് സാധിച്ചില്ല. പ്രൊ-ലീഗില് ഒമ്പത് കളിയില് 25 പോയിന്റുമായി അല് ഹിലാല് ഒന്നാംസ്ഥാനത്താണുള്ളത്. ഇത്രയും കളിയില് 24 പോയിന്റുമായി അല് ഇത്തിഹാദ് രണ്ടാമതും 19 പോയിന്റുമായി അല് നസ്ര് മൂന്നാമതുമാണുള്ളത്.
"
https://www.facebook.com/Malayalivartha
