സൂപ്പര്‍ ലീഗ് കേരള ഫുട്ബോളില്‍ രണ്ട് ടീമുകള്‍കൂടി എത്തുന്നു....
സൂപ്പര്‍ ലീഗ് കേരള ഫുട്ബോളില്‍ രണ്ട് ടീമുകള്‍കൂടി എത്തുന്നു....ആദ്യ സീസണ്‍ സൂപ്പര്‍ ഹിറ്റായതിനുപിന്നാലെയാണിത്. ഇതോടെ അടുത്ത സീസണില്‍ എട്ട് ടീമുകളുണ്ടാകും.
പുതുതായുള്ള രണ്ട് ടീമുകള്‍ക്കായി കാസര്‍കോട്, കോട്ടയം, വയനാട്, കൊല്ലം ജില്ലകളെയാണ് പരിഗണിക്കുന്നത്. സംഘാടകര്‍ പ്രാരംഭ ചര്‍ച്ച ആരംഭിച്ചു. അടുത്തവര്‍ഷത്തേക്കുള്ള തയ്യാറെടുപ്പ് നേരത്തേ ആരംഭിക്കുമെന്ന് സൂപ്പര്‍ ലീഗ് ഡയറക്ടര്‍ ഫിറോസ് മീരാന്‍ പറഞ്ഞു. അടിത്തട്ടിലെ വികസനമാണ് ആദ്യലക്ഷ്യം.
ജൂനിയര്‍ ടൂര്‍ണമെന്റുകള്‍ നടത്തി അതില്‍നിന്ന് ക്ലബ്ബുകളിലേക്ക് താരങ്ങളെ എത്തിക്കും. ഇവരെ ചാക്കോള ഗോള്‍ഡ് ട്രോഫിയില്‍ പങ്കാളികളുമാക്കും.
കെര്‍വെന്‍സ് ബെല്‍ഫോര്‍ട്ടാണ് ടൂര്‍ണമെന്റിലെ താരം. ഫൈനലില്‍ ഉള്‍പ്പെടെ അഞ്ച് ഗോള്‍ നേടിയ മികവിനാണ് ബെല്‍ഫോര്‍ട്ട് സുവര്‍ണപന്ത് നേടിയത്. ഭാവിവാഗ്ദാനമായി കലിക്കറ്റിലെ മലയാളി മധ്യനിരക്കാരന്‍ മുഹമ്മദ് അര്‍ഷഫിനെ തെരഞ്ഞെടുത്തു.
https://www.facebook.com/Malayalivartha
