ബൈസിക്കിള്‍ കിക്കിലൂടെ വിസ്മയിപ്പിച്ച് ക്രിസ്റ്റ്യാനോ റൊണാള്‍ഡോ. താരത്തിന്റെ പ്രകടനമികവില്‍ യുവേഫ നേഷന്‍സ് ലീഗില്‍ പോളണ്ടിനെ പോര്‍ച്ചുഗല്‍ 1- 5ന് തകര്‍ത്തു. പെനാല്‍റ്റിയുള്‍പ്പെടെ രണ്ട് ഗോളുകളാണ് മത്സരത്തില്‍ താരം നേടിയത്.

39കാരനായ താരത്തിന്റെ ബൈസിക്കിള്‍ കിക്ക് സോഷ്യല്‍ മീഡിയയില്‍ വൈറലാണ്. ഇതോടെ അന്താരാഷ്ട്ര മത്സരങ്ങളില്‍ ക്രിസ്റ്റ്യാനോ നേടിയ ഗോളുകളുടെ എണ്ണം 135 ആയി. ജയത്തോടെ പോര്‍ച്ചുഗല്‍ ക്വാര്‍ട്ടറിലെത്തി. മത്സരത്തിന്റെ രണ്ടാം പകുതിയിലാണ് ആറു ഗോളുകളും പിറന്നത്.