എ.എഫ്.സി. ഏഷ്യന്‍ കപ്പ് യോഗ്യതാ റൗണ്ടിലെ അവസാന മത്സരത്തില്‍ ഇന്ത്യ 1-2ന് കിര്‍ഗിസ്ഥാനോട് തോറ്റു
എ.എഫ്.സി. ഏഷ്യന്‍ കപ്പ് യോഗ്യതാ റൗണ്ടിലെ അവസാന മത്സരത്തില്‍ ഇന്ത്യ 1-2ന് കിര്‍ഗിസ്ഥാനോട് തോറ്റു. പതിമൂന്നു മത്സരങ്ങളിലെ അപരാജിത കുതിപ്പിന് ശേഷമാണ് ഒടുവില്‍ ഇന്ത്യന്‍ ഫുട്ബാള്‍ ടീം തോല്‍വി വഴങ്ങിയത്. കിര്‍ഗിസ്ഥാനിലെ ബിഷെക്കില്‍ നടന്ന മത്സരത്തില്‍ അന്റോണ്‍ സെംലിയാനുകിനും മിര്‍ലാന്‍ മുര്‍സേവും കിര്‍ഗിസ്ഥാനായി സ്‌കോര്‍ ചെയ്തപ്പോള്‍ 87ാം മിനിറ്റില്‍ ജെജെ ലാല്‍ പെഖുലെയാണ് ഇന്ത്യയുടെ ആശ്വാസഗോള്‍ നേടിയത്.
ആദ്യപകുതിയില്‍ ബല്‍വന്ത് സിംഗ് രണ്ടുതവണ വല കുലുക്കിയെങ്കിലും റഫറി ഗോള്‍ നിഷേധിച്ചത് ഇന്ത്യയ്ക്ക് തിരിച്ചടിയായി. തോല്‍വിയോടെ ഗ്രൂപ്പ് ചാമ്പ്യന്മാരായി മുന്നേറാമെന്ന ഇന്ത്യന്‍ മോഹങ്ങളും പൊലിഞ്ഞു. നേരത്തെ തന്നെ യോഗ്യത ഉറപ്പാക്കിയ ഇന്ത്യയ്ക്കും കിര്‍ഗിസ്ഥാനും ആറു മത്സരങ്ങളില്‍ നിന്ന് 13 പോയിന്റ് വീതമാണുള്ളത്. ഗോള്‍ശരാശരിയിലും ഇരുവരും ഒപ്പത്തിനൊപ്പമായതിനാല്‍ നേര്‍ക്കുനേര്‍ പോരാട്ടത്തിലെ മികച്ച പ്രകടനത്തിന്റ അടിസ്ഥാനത്തില്‍ ഇന്ത്യയെ പിന്തള്ളി കിര്‍ഗിസ്ഥാന്‍ ഗ്രൂപ്പ് ജേതാക്കളായി. ബംഗളുരുവില്‍ നടന്ന ആദ്യപാദത്തില്‍ നേടിയ ഇന്ത്യ ഏകപക്ഷീയമായ ഒരു ഗോളിന് ജയിച്ചിരുന്നു.
https://www.facebook.com/Malayalivartha
