ടോക്കിയോ ഒളിമ്ബിക്സ്; മാര്‍ച്ച്‌പാസ്റ്റിനുള്ള ഇന്ത്യന്‍ കായികതാരങ്ങളുടെ എണ്ണം വെട്ടിക്കുറച്ചു
ഒളിമ്ബിക്സ് മാര്‍ച്ച്‌പാസ്റ്റിനുള്ള ഇന്ത്യന്‍ കായികതാരങ്ങളുടെ എണ്ണം വെട്ടിക്കുറച്ചു. 22 കായിക താരങ്ങളും ആറ് ഒഫീഷ്യലുകളും മാത്രം മാര്‍ച്ച്‌പാസ്റ്റില്‍ പങ്കെടുക്കും. ഇന്ത്യയുടെ പതാക വാഹകരായി മേരി കോമും മാന്‍ പ്രീത് സിംഗും മുന്‍ നിരയില്‍ നയിക്കും. നാളെ നടക്കുന്ന മാര്‍ച്ച്‌ പാസ്റ്റില്‍ ഇവര്‍ക്കു പിന്നിലായിട്ടാകും കായികതാരങ്ങളും ഒഫീഷ്യലുകളുമായി ഇന്ത്യന്‍ സംഘം അണിനിരക്കുക.
ഓഗസ്റ്റ് എട്ടിനു നടക്കുന്ന സമാപനച്ചടങ്ങില്‍ ഗുസ്തി താരം ബജ്രംഗ് പൂനിയ ഇന്ത്യന്‍ പതാകയേന്തും. ഒളിമ്ബിക്സ് ചരിത്രത്തിലാദ്യമായിട്ടാണ് ഉദ്ഘാടനച്ചടങ്ങിനു പതാക വാഹകരായി രണ്ട് താരങ്ങളെ ഇന്ത്യന്‍ ഒളിമ്ബിക്സ് അസോസിയേഷന്‍ തെരഞ്ഞെടുക്കുന്നത്.
പുരുഷ, വനിതാ താരങ്ങളെ പതാകയേന്താന്‍ തെരഞ്ഞെടുക്കാമെന്നു രാജ്യാന്തര ഒളിമ്ബിക്സ് കമ്മിറ്റി അറിയിച്ചിരുന്നു. 2016ലെ റിയോ ഒളിമ്ബിക്സില്‍ അഭിനവ് ബിന്ദ്രയാണ് ഇന്ത്യന്‍ പതാക കൈയിലേന്തിയത്. 2012 ലണ്ടനില്‍ സുശീല്‍ കുമാറും 2008 ബെയ്ജിങ്ങില്‍ രാജ്യവര്‍ധന്‍ സിംഗ് റാത്തോഡും പതാക കൈയിലേന്തിയിരുന്നു.
https://www.facebook.com/Malayalivartha
