കായിക പുരസ്കാരങ്ങള് രാഷ്ട്രപതി ഇന്ന് സമ്മാനിക്കും; സിന്ധുവിനും സാക്ഷിമാലികിനും ദീപയ്ക്കും രാജ്യത്തിന്റെ പരമോന്നത കായിക പുരസ്ക്കാരമായ ഖേല്ര്തന
രാജ്യത്തെ കായിക പുരസ്കാരങ്ങള് രാഷ്ട്രപതി ഇന്ന് സമ്മാനിക്കും. ഒളിംപിക്സില് വെള്ളി മെഡല് നേടിയ പി.വി സിന്ധു, വെങ്കല മെഡല് നേടിയ സാക്ഷി മാലിക്, ജിംനാസ്റ്റിക്സില് നാലാം സ്ഥാനത്തെത്തിയ ദിപ കര്മാക്കര്, ഷൂട്ടിംങ് താരം ജിത്തുറായ് എന്നിവര്ക്കാണ് രാജ്യത്തെ പരമോന്നത കായിക പുരസ്കാരമായ ഖേല്രത്ന. ഖേല്രത്ന നല്കി രാജ്യം ആദരിക്കുന്നതില് ഏറെ സന്തോഷമുണ്ടെന്ന് പി.വി സിന്ധു പറഞ്ഞു.
ജിത്തുറായ്, ദിപ കര്മേക്കര് എന്നിവര്ക്കാണ് രാജീവ് ഗാന്ധി ഖേല് രത്ന പുരസ്ക്കാരം നല്കാന് ആദ്യം തീരുമാനിച്ചിരുന്നത്. എന്നാല് ഒളിംപിക്സില് മെഡല് നേടിയതോടെ പി.വി സിന്ധു, സാക്ഷി മാലിക് എന്നിവര്ക്ക് കൂടി ഖേല് രത്ന നല്കാന് കേന്ദ്ര കായികമന്ത്രാലയം തീരുമാനിക്കുകയായിരുന്നു. അര്ജുന അവാര്ഡ് ലഭിക്കാതെയാണ് ദിപ കര്മാക്കര്ക്കും സാക്ഷി മാലിക്കിനും രാജ്യത്തിന്റെ പരമോന്നത കായിക പുരസ്ക്കാരം നല്കുന്നത്. ഒളിംപിക്സിലെ മെഡല് നേട്ടത്തോടെ രാജ്യം തനിക്ക് തരുന്ന സ്നേഹാദരങ്ങള്ക്ക് നന്ദിയുണ്ടെന്ന് പി.വി.സിന്ധു പറഞ്ഞു
സ്റ്റീപിള് ചേയ്സില് ഒളിംപിക്സ് ഫൈനലില് എത്തിയ ലളിത ബാബര്, ഇന്ത്യന് ഫുട്ബോള് ഗോള്കീപ്പര് സുബ്രതോ പാല്, ഗുസ്തി താരങ്ങളായ വിനേഷ്, അമിത് കുമാര് വനിതാ ഹോക്കി താരം റാണി റാംപാല്, ക്രിക്കറ്റ് താരം അജിങ്ക്യ രഹാനെ തുടങ്ങി പതിനഞ്ച് താരങ്ങള്ക്കാണ് ഇത്തവണ അര്ജുന പുരസ്ക്കാരം. നീന്തല് താരം സജന്പ്രകാശിന്റെ പരിശീലകന് എസ്.പ്രദീപ് കുമാര് ,ദിപ കര്മാക്കറിന്റെ പരിശീലകന് ബി.എസ് നന്തി, അത്ലറ്റ് ദ്യുതി ചന്ദിന്റെ പരിശീലകന് എന്.രമേശ്, ഇന്ത്യന് വനിത ഗുസ്തി ടീം പരിശീലകന് മഹാവീര് സിങ് തുടങ്ങിയവര്ക്ക് ദ്രോണാചാര്യ പുരസ്ക്കാരം സമ്മാനിക്കും. രാഷ്ട്രപതിഭവനില് നടക്കുന്ന ചടങ്ങിലാണ് പുരസ്ക്കാരങ്ങള് സമ്മാനിക്കുക.
https://www.facebook.com/Malayalivartha
