വീടിനഴകായി വെർട്ടിക്കൽ ഗാർഡൻ
ഒരുകാലത്ത് വിദേശനാടുകളിലും ഡല്ഹി, ബോംബൈ, ബാംഗ്ലൂര് എന്നീ മെട്രോകളിലും മാത്രം ഉണ്ടായിരുന്ന വെര്ട്ടിക്കല് ഗാര്ഡനുകള്ക്ക് ഇന്ന് കേരളത്തിൽ പ്രചാരമേറിയിട്ടുണ്ട് .
മുറ്റം, വരാന്ത, ഭിത്തികള്, സ്റ്റെയര് കേയ്സുകള്, ബാല്ക്കണി, വീടുകളുടെ പുറംഭിത്തി എന്നിവിടങ്ങളിലൊക്കെ വെർട്ടിക്കൽ ഗാർഡൻ വളർത്താം .ഫ്ലാറ്റുകളിലെ ഹാളുകള് വേര്തിരിക്കാന് കര്ട്ടനുകള്ക്ക് പകരം വെര്ട്ടിക്കല് ഗാര്ഡനുകള് തിരഞ്ഞെടുക്കാം.
ഭിത്തികളില് ഘടിപ്പിക്കാവുന്ന മൂന്നു കപ്പുകളുള്ള മോഡ്യൂളുകളാണ് ഇതിന്റെ അടിസ്ഥാനം. പോളി പ്രൊപ്പിലിന് നിര്മിതമായ ഈ കപ്പുകളില് ചകരിച്ചോറ് നിറച്ചാണ് ചെടി നടുന്നത്. സിങ്കോണിയം, ഫിലോഡെന്ഡ്രോണ്, ബ്രോമിലിയാര്ഡ്സ്, റിയോ, ഡ്രസീനിയ, ക്ലോറോഫൈറ്റം, അസ്പരാഗസ് ഫേണ്സ്, ബോസ്റ്റോണ് ഫേണ്സ് തുടങ്ങിയ ചെടികളാണ് വെര്ട്ടിക്കല് ഗാര്ഡനില് സാധാരണയായി ഉപയോഗിക്കുന്നത്. ഇത്തരം പോളി പ്രൊപ്പിലിന് നിര്മ്മിതമായ നിരവധി മോഡ്യൂളുകള് ചേര്ത്തു വെച്ച് ആവശ്യാനുസരണം വലിപ്പമേറിയ വെര്ട്ടിക്കല് ഗാര്ഡന് വാളുകള് വരെ സൃഷ്ടിക്കാന് കഴിയും. വെള്ളവും വളവും സ്പ്രേ ചെയ്തു നല്കുകയാണ് ഇവയുടെ രീതി. അമിതമായി വരുന്ന വെള്ളം ശേഖരിക്കാന് ഒരു ചാലും ഈ മോഡ്യൂളുകളുടെ അടിയിലായി നല്കും.
മുറികൾക്കുള്ളിലെ ചൂട് കുറക്കാനും വായു സഞ്ചാരം കൂട്ടാനും വെർട്ടിക്കൽ ഗാർഡനുകൾ ഉപകരിക്കും
https://www.facebook.com/Malayalivartha