അടുത്ത മാസം മുതല് അവശ്യമരുന്നുകളുടെ വില 2% ഉയരും; കാന്സര്, പ്രഷര്, ഷുഗര്, മഞ്ഞപ്പിത്ത മരുന്നുകളുടെ വില കൂടും
അടുത്തമാസം ഒന്ന് മുതല് അവശ്യമരുന്നുകളുടെ വില വര്ദ്ധിപ്പിക്കും. രണ്ട് ശതമാനം വില വര്ദ്ധിപ്പിക്കാനാണ് തീരുമാനിച്ചിരിക്കുന്നത്. ഇതുമായി ബന്ധപ്പെട്ട് മരുന്ന് കമ്പനികളോട് ആവശ്യമായ മൊത്തവില വിവരണവുമായി പട്ടിക കൊണ്ടുവരണമെന്ന് ദേശീയ മരുന്ന് വില നിര്ണ്ണയ അതോറിറ്റി (എന്പിപിഎ) നിര്ദ്ദേശിച്ചു. മരുന്നു വില നിയന്ത്രണ നിയമമനുസരിച്ച് മൊത്തവ്യാപാര വില പട്ടികയിലുണ്ടാക്കുന്ന മാറ്റങ്ങള്ക്ക് അനുസരിച്ചാണ് മരുന്നുകളുടെ വില നവീകരിക്കുന്നത്.
കഴിഞ്ഞ സാമ്പത്തീക വര്ഷം മരുന്നിന്റെ വില 1.97 ശതമാനം വര്ദ്ധിപ്പിച്ചിരുന്നതായി കേന്ദ്ര സാമ്പത്തിക ഉപദേശകന് സ്ഥരീകരിച്ചു. രാജ്യത്തെ അവശ്യമരുന്നിന്റെ വില നിര്ണയിക്കുന്നത് കേന്ദ്ര സര്ക്കാര് നേരിട്ടാണ്. ഇതില് കാന്സറിനുള്ള മരുന്നുകള് മുതല് പ്രമേഹത്തിനും രക്തസമ്മര്ദ്ദതിനും മഞ്ഞപ്പിത്തത്തിനുള്ള അടക്കം ഉള്പ്പെടുന്നു.
എന്നാല് അത് മൊത്തം വ്യാപാരത്തിന്റെ ഒരു ശതമാനം മാത്രമാണുള്ളത്. എന്നാല് ഇതില് ഉള്പ്പെടാത്ത മരുന്നുകള്ക്ക് 10 ശതമാനമാണ് വില വര്ദ്ധിപ്പിച്ചിരിക്കുന്നത്. നിലവില് മരുന്ന് വിപണിയില് വിറ്റഴിയപ്പെടുന്ന ഒരുലക്ഷം കോടിയുടെ 30 ശതമാനം മാത്രമാണ് നേരിട്ടുള്ള വിലനിയന്ത്രണത്തില് വരുന്നത്
https://www.facebook.com/Malayalivartha