ഫുട്ബോള് മത്സരത്തിനിടെ സഹതാരവുമായി കൂട്ടിയിടിച്ച് ഗോള്കീപ്പര്ക്ക് ദാരുണാന്ത്യം
സഹതാരവുമായി കൂട്ടിയിടിച്ച് പരിക്കേറ്റ ഗോള്കീപ്പര്ക്ക് ദാരുണാന്ത്യം. ഇന്തോനേഷ്യയിലെ ഫുട്ബോള് മത്സരത്തിനിടെയാണ് സംഭവം. പെര്സല ലമോംഗ്ഡാംഗ് ടീമിന്റെ ഗോള്കീപ്പര് ഹൊയൂല് ഹുദയാണ് മരിച്ചത്. ഇന്തോനേഷ്യന് സൂപ്പര് ലീഗില് സെമംഗ് പഡാംഗിനെതിരെ കളിക്കുമ്പോള് ടീമംഗമായ ഡിഫന്ഡര് റാമോണ് റോഡ്രിഗസുമായി ഹുദ കൂട്ടിയിടിക്കുകയായിരുന്നു
മത്സരത്തിന്റെ ഒന്നാം പകുതിയിലാണ് അപകടമുണ്ടായത്. ഹാഫ് ടൈം വിസില് വരാന് നിമിഷങ്ങള് മാത്രം ബാക്കിയുള്ളപ്പോള് ഒരു ആക്രമണത്തിനിടെ പന്ത് കൈപ്പിടിയിലൊതുക്കാന് മുന്നോട്ടു കയറിയ ഹുദയും പന്ത് ക്ലിയര് ചെയ്യാന് സ്ട്രൈക്കര്ക്കൊപ്പം ഓടിയ റോഡ്രിഗസും കൂട്ടിയിടിക്കുകയായിരുന്നു. റോഡ്രിഗസിന്റെ മുട്ട് ഹുദയുടെ പിന്കഴുത്തില് ഇടിക്കുകയായിരുന്നു. ഇടിയുടെ ആഘാതത്തില് പെനല്റ്റി ബോക്സില് ബോധം നഷ്ടപ്പെട്ട് ഹുദ വീഴുകയായിരുന്നു. ഉടന് തന്നെ ആശുപത്രിയില് എത്തിച്ചെങ്കിലും രക്ഷിക്കാനായില്ല. തലയ്ക്കും കഴുത്തിനും പരക്കേറ്റതാണ് അപകട കാരണമെന്നു ഡോക്ടര്മാര് അറിയിച്ചു. 1999 മുതല് പെര്സല ടീമിലെ താരമാണ് ഹുദ.
https://www.facebook.com/Malayalivartha