ബെംഗളൂരു നഗരത്തെ ഒന്നടങ്കം നടുക്കിക്കൊണ്ട് ഒരു ദാരുണ കൂട്ടക്കൊലപാതകത്തിന്റെ വിവരങ്ങളാണ് പുറത്തുവരുന്നത്. കുടുംബവഴക്കിനെ തുടർന്ന് സ്വന്തം ഭാര്യയെയും അമ്മായിയമ്മയുമടക്കം കുടുംബത്തിലെ 7 പേരെ ക്രൂരമായി കൊലപ്പെടുത്തിയ 45-കാരനായ ടാക്സി ഡ്രൈവർ ഇന്ദുശേഖറിനെ ബെംഗളൂരു പോലീസ് അറസ്റ്റ് ചെയ്തു.

നവംബർ ഒന്നിന് നടന്ന ക്രൂരതയ്ക്ക് ശേഷം തെളിവ് നശിപ്പിക്കാൻ വീട് രാസവസ്തുക്കൾ ഉപയോഗിച്ച് വൃത്തിയാക്കിയ പ്രതി, മൃതദേഹങ്ങൾ സ്വന്തം കാറിൽ കടത്തി നന്ദി ഹിൽസ് ഉൾപ്പെടെയുള്ള വിവിധ സ്ഥലങ്ങളിൽ ഉപേക്ഷിക്കുകയായിരുന്നു. ഒരു മിസ്സിങ് കേസ് അന്വേഷണത്തിനിടയിലാണ് രാജ്യം കേട്ടിട്ടില്ലാത്ത ഈ കൊടുംക്രൂരതയുടെ ചുരുളഴിയുന്നത്. നിലവിൽ 50 ഓളം പോലീസ് ഉദ്യോഗസ്ഥരുടെ നേതൃത്വത്തിൽ മൃതദേഹങ്ങൾ കണ്ടെത്താനുള്ള വിപുലമായ തിരച്ചിൽ പുരോഗമിക്കുകയാണ്.