പെരുമ്പാവൂർ കണ്ടന്തറയിലെ 'ഭായ് കോളനി' (ബംഗാളി കോളനി) ഒഴിപ്പിക്കലുമായി ബന്ധപ്പെട്ട സംഘർഷങ്ങളും സമീപകാല പൊലീസ് റെയ്ഡുകളും വലിയ രീതിയിൽ മാധ്യമ ശ്രദ്ധ നേടിയിട്ടുള്ള വിഷയമാണ്. പ്രദേശത്തെ ലഹരി വിപണനവും സാമൂഹിക വിരുദ്ധ പ്രവർത്തനങ്ങളും ചൂണ്ടിക്കാട്ടി നാട്ടുകാർ രംഗത്തിറങ്ങിയതോടെയാണ് ഇവിടെ തർക്കങ്ങളും കടുത്ത പൊലീസ് നടപടികളും ആരംഭിച്ചത്. അയ്യായിരത്തോളം ഇതരസംസ്ഥാന തൊഴിലാളികൾ (ഭൂരിഭാഗവും പശ്ചിമ ബംഗാൾ സ്വദേശികൾ) താമസിക്കുന്ന കണ്ടന്തറയിലെ ഭായ് കോളനിയിൽ, ലഹരി കച്ചവടക്കാർക്കും സാമൂഹിക വിരുദ്ധർക്കും എതിരെ നാട്ടുകാർ ഒരു വലിയ മുന്നറിയിപ്പ് ബോർഡ് സ്ഥാപിച്ചതോടെയാണ് പ്രശ്നങ്ങൾ പുറത്തുവരുന്നത്.

കോളനി കേന്ദ്രീകരിച്ച് മയക്കുമരുന്ന് വില്പനയും അനാശാസ്യ പ്രവർത്തനങ്ങളും വർദ്ധിക്കുന്നു എന്ന് കാണിച്ച് പ്രാദേശിക കൂട്ടായ്മകൾ രംഗത്തിറങ്ങി. ഇതോടെ പ്രദേശത്ത് പ്രാദേശിക ജനങ്ങളും തൊഴിലാളികളും തമ്മിൽ കടുത്ത സങ്കർഷാവസ്ഥ ഉടലെടുത്തിരുന്നു . പോലീസിന്റെ കൃത്യമായിട്ടുള്ള നടപടികൾ കാരണം പരിശോധനകളിൽ വൻതോതിൽ കഞ്ചാവും മറ്റ് മാരക രാസലഹരികളും പിടിച്ചെടുക്കുകയും നിരവധി മയക്കുമരുന്ന് കേസുകൾ രജിസ്റ്റർ ചെയ്യുകയും ചെയ്തു. കൃത്യമായ തിരിച്ചറിയൽ രേഖകളില്ലാതെ താമസിച്ച ഏതാനും പേരെയും പൊലീസ് കസ്റ്റഡിയിലെടുത്തിരുന്നു. പക്ഷെ എന്നിട്ടും അവിടെ ഇത്തരം കുറ്റകൃത്യങ്ങൾ കുറയുന്നില്ല എന്നുള്ളതാണ് .

കൊച്ചി പെരുമ്പാവൂർ മേഖലയിൽ അന്യസംസ്ഥാന തൊഴിലാളികളുടെ തുടർച്ചയായുള്ള ദുരൂഹമരണങ്ങൾ നാട്ടിൽ വലിയ ആശങ്ക പരത്തുന്നു. പെരുമ്പാവൂർ, കുറുപ്പംപടി, കോടനാട് പോലീസ് സ്റ്റേഷൻ പരിധികളിലായി കഴിഞ്ഞ ആറു മാസത്തിനിടയിൽ ദുരൂഹസാഹചര്യത്തിൽ 30-ഓളം അന്യസംസ്ഥാന തൊഴിലാളികളുടെ മൃതദേഹങ്ങളാണ് കണ്ടെത്തിയത്.ഈ മരണങ്ങളിൽ ഭൂരിഭാഗത്തിന്റെയും കാരണം അമിതമായ ലഹരി ഉപയോഗമാണ്. മരിച്ചവരിൽ ഭൂരിഭാഗവും പശ്ചിമ ബംഗാൾ, അസം, ഒഡീഷ, ബിഹാർ തുടങ്ങിയ സംസ്ഥാനങ്ങളിൽ നിന്ന് കേരളത്തിൽ ജോലിക്കായി എത്തിയ തൊഴിലാളികളാണ്. മരിച്ചവരിൽ ചിലരെ ഒപ്പമുള്ള തൊഴിലാളികൾ തിരിച്ചറിഞ്ഞെങ്കിലും, പലരുടെയും പക്കൽ തിരിച്ചറിയൽ രേഖകൾ ഇല്ലാത്തതിനാൽ വലിയൊരു പങ്ക്

മൃതദേഹങ്ങളും അജ്ഞാതരുടെ പട്ടികയിലാണ് പോലീസിന് രേഖപ്പെടുത്തേണ്ടിആവശ്യത്തിന് ലഹരിവസ്തുക്കൾ ലഭിക്കാതെ വരുമ്പോൾ ഇവർ കടുത്ത നിരാശയിലാവുകയും, അത് ആത്മഹത്യയിലേക്ക് നയിക്കുകയും ചെയ്യുന്നു എന്നാണ് പോലീസ് പറയുന്നത്. പ്രദേശത്തെ ആളൊഴിഞ്ഞ സ്ഥലങ്ങളും പാലത്തിനടിയിലുള്ള ഒളിയിടങ്ങളുമാണ് ലഹരി ഉപയോഗത്തിന്റെ പ്രധാന കേന്ദ്രങ്ങൾ. അമിത ലഹരി ഉപയോഗം മൂലം അവിടെവച്ച് ബോധരഹിതരായി മരണം സംഭവിക്കുന്നുമുണ്ട്.മൃതദേഹങ്ങളിൽ നിന്നെല്ലാം ദുർഗന്ധം വമിക്കുമ്പോൾ മാത്രമാണ് നാട്ടുകാർ വിവരമറിയുന്നത്.

ഓപ്പറേഷൻ തൂഫാൻ ഫലപ്രദമല്ലെന്നും പ്രദേശത്ത് പോലീസ് പരിശോധന കാര്യക്ഷമമല്ലെന്നും പ്രദേശവാസികൾ ചൂണ്ടിക്കാട്ടുന്നു. ലഹരിയുടെ ഉപയോഗം കൂടുന്നത് ഗൗരവമായി പരിശോധിക്കണമെന്നാണ് നാട്ടുകാരുടെ ആവശ്യംപി.പി. റോഡിൽ ബിവറേജസ് പരിസരം, ആൾപാർപ്പില്ലാത്ത പറമ്പുകൾ, റബർ തോട്ടങ്ങൾ, കെട്ടിടങ്ങളുടെ മുകൾഭാഗം, പാടശേഖരങ്ങൾ എന്നിവിടങ്ങളിൽ മൃതദേഹങ്ങൾ കണ്ടെത്തിയിട്ടുണ്ട്.മൃതദേഹങ്ങൾക്ക് അരികിൽ നിന്നും സിറിഞ്ചുകളും ലഹരിമരുന്നുകളും ലഹരിമരുന്നുകളുടെ കുപ്പികൾ, കഞ്ചാവ് പൊതികൾ

പൊലീസ് കണ്ടെടുത്ത സംഭവങ്ങളുമുണ്ട്. കഴിഞ്ഞ മൂന്ന് ദിവസങ്ങളിൽ മാത്രം മൂന്ന് മൃതദേഹങ്ങളാണ് പാലക്കാട്ടുതാഴം പാലത്തിനടിയിലും ബിവറേജസ് ഔട്ട്ലെറ്റ് പരിസരത്തുമായി കണ്ടെത്തിയത്. ഇതിൽ രണ്ട് മൃതദേഹങ്ങൾ തിരിച്ചറിഞ്ഞിട്ടില്ല. ചൊവ്വാഴ്ചയും ബുധനാഴ്ചയും കണ്ടെത്തിയ മൃതദേഹങ്ങൾക്ക് രണ്ടോ മൂന്നോ ദിവസത്തെ പഴക്കമുണ്ടെന്നാണ് നിഗമനം.പാലക്കാട്ടുതാഴം ഉൾപ്പെടെയുള്ള പ്രദേശങ്ങളിൽ തുടർച്ചയായി മൃതദേഹങ്ങൾ കണ്ടെത്തുന്നതിൽ സമഗ്രാന്വേഷണം വേണമെന്നും ഇതിനുപിന്നിൽ ലഹരി മാഫിയയുടെ ഇടപെടലുകളുണ്ടോ എന്ന് അന്വേഷിക്കണമെന്നുമുള്ള ആവശ്യങ്ങൾ ശക്തമാണ്.