തിരുവനന്തപുരം ശ്രീകാര്യം പാങ്ങപ്പാറ കൊലപാതകക്കേസിൽ പൊലീസിനെപ്പോലും ഞെട്ടിക്കുന്ന അതീവ നിർണായക വിവരങ്ങളാണ് ഇപ്പോൾ പുറത്തുവരുന്നത്! കൊല്ലപ്പെട്ട അഭിരാമിന്റെ സുഹൃത്ത് നൽകിയ മൊഴി കേസിനെ പൂർണ്ണമായും മാറ്റിമറിക്കുകയാണ്. ഒന്നാം പ്രതി നേരത്തെയും അഭിറാമിനെയും തന്നെയും മർദിച്ചിരുന്നുവെന്നാണ് സുഹൃത്തിന്റെ മൊഴി. രണ്ടാഴ്ച മുമ്പാണ് ആക്രമിച്ചതെന്നും സുഹൃത്ത് പൊലീസിന് മൊഴി നൽകിയിട്ടുണ്ട്. വീണ്ടും മർദിക്കുമെന്നും പ്രതി ഭീഷണിപ്പെടുത്തിയിരുന്നു. ആക്രമണം ഭയന്നാണ് താൻ പ്രതി ആവശ്യപ്പെട്ടപ്പോൾ വരാതിരുന്നതെന്നും അഭിരാമിന്റെ സുഹൃത്ത് പറയുന്നു. പ്രതിയുടെ പെൺസുഹൃത്തിന്റെ സ്വകാര്യ ചിത്രം അഭിരാമിന്റെ സുഹൃത്തിന്റെ കൈവശമുണ്ടായിരുന്നതാണ് മർദ്ദനത്തിന് കാരണമെന്നാണ് സുഹൃത്ത് മൊഴി.